امنية الموت
امنية الموت
احس بلموت ناداني
وهله بلموت لويحضر
واحس باجر كرب مني
وشبابي بسنطه يتكسر
هله بموتي هله اباجر
متحظر اله وانذر
يخلصني يريحني...
مو نار التعب تسعر
وظم صدري اعلى برد الكاع
اموت وبعد ما اصبر
ولو نمت اخر نومه الي
المابيهه فجر يظهر
يمر بيه حجي الدفان
بخزي الدنيا المعثر
واعز انسان يحظرني
ابوي بموتتي يحظر
ودمع امي شبك كبري
وبدمعها اليابس ايخضر
وخواتي ايلطمن اعلى الراس
ترى هالمات اهو الاصغر
والاحبهه اتناشد الدفان
وبصرختهه الحجر ينطر
تريد اتوادع او بسكوت
وتريد الناس تتكتر
صدك تتركني الوحدي
كلبك ليش متحجر
وخوتي اتلملمو رادو يودعوني
صحت مكدر....
صحت ياموت لفلفني
عليك بكتل ابو شبر
ومشيت وغابت الوادم
ونكير ايصبر بمنكر
دموع من الاثنين تسيل
مثل بركان يتفجر
يكله اسمع ابامه تصيح..؟
ونكير الموقفه ايفسر
تحلف لا تعذبونه ......ترى هالمات...اهو الاصغر
تحلف لا تعذبونه.....بهيده خاف يتعور
رد مع اقتباس
