أكابر وأنه مجروح
أكابر في حياتي واني مجروح..........ولا فد يوم صحت اتلاحكوني
امشي على اجروحي ابشوغة الروح...ولا بينت دمعه من عيوني
بس قلبي أبونينه دوم مفضوح....... خفت منه يون اويسمعوني
عزة نفس عندي وين ما اروح.......يعرفوني اصيل الرافكوني
لون اجوع ويحطوني عل لوح......ما أمد ايدي واسئلهم انطوني
الله ما يخلي حمل مطروح............ ابد بالله ما خابت ظنوني
امشي على كسري وابد ما انوح....وميهمني يدنيه اشما تكوني
لو دحتي علي ويه الزمن دوح.............أبد والله لا ما تذلوني
ابو الغيره انه لو اضحي بلروح......ما اخلي الشماته يعيروني
الغيره واضحه من عندي اتفوح...امبينه علي حتى ابسكوني
راسي بلقمم ما طخ للسفوح...ولا من خوف مره انخطف لوني
بالتيزاب اعاقبهن هالجروح........... اذا نزفن عواذل يشوفوني
بقلم
ااالساعدي
رد مع اقتباس
رد: أكابر وأنه مجروح
المشاركة الأصلية كتبت بواسطة العربي
