مكسور خاطر
شتسولف بعد وي خاطري المكسور
جام اتكسر بيا سالفه اتجبره
صفره جفوف اديك وحجيك المسموم
لون اصفر طلع والريح اجت صفره
انه ادري بصحبتك تالي تطلع نار
حركت كلشي حركت صحبت الكشره
عساهه بخت كلبي الماعرف يختار
والعرفني بيك بحظه ويعمره
تذكر من كلتلك لاتلح عل البير
هسه شلون تشرب طلعت الصخره
وكتلك لاتذب جرتك ماضل ماي
مو كل مره ترجع سالمه الجره
كطره ماي روحي ومرهه جفك كيض
طشرهه وبجت واختنكت الكطره
بعد شتريد منيبيا دفو اتلكاك
اكلك ثلج بعدك صارت الجمره
هسه تريد ترجع من بعد ماراح عمري وشد متاعه وتييهت عمره
هيجي انه غشيم وانغلب مرتين
احبك من جديد وترجع الكره
لاتتعب بعد راحت الشاره البيك من سديت بابك سدو الحضره
وانه المن بعد فاتح ضريح الشوك شبابج الكلب مايحمل العصره
بعيوني كبل جانت الدنيا نجوم
هسه اطشرت وتبدت الكمره
عساهه بذمتك راح احرك البستان
خله تموت جوع جروحك الخظره
اله المون شفته وبس كلت بي روح
شوف شكد جبته وياك عل الفطره
(( منقـــــــــــــول ))
ارجو الإطلاع على هذا الرابط للأهمية
http://www.alforat.org/showthread.php?t=22548
رد مع اقتباس
رد: مكسور خاطر
المشاركة الأصلية كتبت بواسطة مايلي
