ايو ذيات السلطاني

[الشاعركريم السلطاني]

طلع مغشوش معدنهم ودرهم
واهل غاية اطلعو وسفة ودرهم
ورج ربعك ابهمك ودرهم
تعرف الزين منهم والردية
---------------------------
نركض والزمن يركض ورانة
ومدري ابياارض يصبح ورانة
المالة اعيون هم فتح ورانة
ولحكنة الجان بعدة ابظهر ابية
------------------------------
عفة كلبي اشكثر يحمل ولك لك
ابهمك انة كمت اسحن ولك لك
لو طرت ابجنح دهد ولك لك
هم اترد ذليل اتحط علية

[جنة العشاق]

يبو حاتم نظمك سلبـني واسرني
وجا العاشق يم وذنـــــي وسرني
بالشكر لك يالاخو فرحني وسرني
كلمات حلوه وكلش قـــــــــــــويه

[ام فيصل]

عاشت ايدك عزيزي
ابوذيات جميلة
شكرا لك ولجميل ماتتحفنا به

لاحرمنا مدادك
دمت بالف خير

[سلام الدراجي]

نركض والزمن يركض ورانة
ومدري ابياارض يصبح ورانة
المالة اعيون هم فتح ورانة
ولحكنة الجان بعدة ابظهر ابية

ابو حاتم هيه هم احظوظ الدنيه
اذا حتى الاعمى لحكنه جااااااا بعد وين انروح
تسلم بعد عيني المفتحه ابوذيات رائعه
دوم الابداع ان شاء الله
تقبل لو ما تقبل مروري
وهاي تحياتي وياهه

[الشاعركريم السلطاني]

شكرا ياحبيبي سلام على هذا الدخول وانا فخور جدا بة ياماي عيني
تحياتي
السلطاني

بطريج الشوگ اول منحبـــــاني
و حب و هوه و وريدن منحبـاني
علي الباعوا عشرتي منحبـاني
نحيبي عالخذاه دهري من أديه

[الشاعركريم السلطاني]

وهذا اهداء لك حبيبي
على المرور المميز
يا الصالحي
يفر بية الوكت عمدة من يدامي
ويكلي أشبيك تنزف من يدامي
ذكرني الجان ياكل من يدامي
سم بالزاد حطلي وجابة لية

[الشاعركريم السلطاني]

شكرا لدخولكم جميعا
السلطاني