المشاركة الأصلية كتبت بواسطة رنا العراقية
يفلان الصدك ضاع ويجاري المــــاي
وحجينا الثور لا مآكل ولا يدري
صبرت الصبر والصـــــــــــبر مل وياي
نفذ كــــل الصبر بس ما نفذ صبري
يخايب ما ذكرت الحبك أعله النار
من صــار النفاه .. تبيعني وتشري
غدار الضبـــــع / ذيــب بتوالي الليل
من يطلع صبح شتكـول ما أدري ؟
يمن غم الوكت حيرني بيك سنين
وما ضن تسوى يـــوم الحايــــر بأمري
راح أنساك أمسحك حتى غسل الميت
ودفن ذكرتك ومسحها من ذكري
ولو يوم الكلب فكر يذكرك يوم
أموته ومـا اخلي الــدم عليه يجـــــري
أمنتك حياتي وماشــي أعمـــى وياك
من فتشت شفتك تحفــر بكـــــبري
خلص كل العمر يا وسفه ما فد يوم
انه بحبك فرح ما شفته كل عمري
مثل أسنين يوسف عـــل الصبر محسود
وفوك أسنين يوســـف ما نصف دهري
منقول
للاستاذمحمد الفهد
من محافضة ميسان
مع تحياتي رنو
غدار طبع الضبع/ذيب بتوالي الليل
رد مع اقتباس
