رائعه من روائع الشعر الشعبي لمضفر النواب زرازير البراري

[*كريم الزبيدي*]

بسم الله الرحمن الرحيم

اعزائي عزيزاتي

انقل لكم


رائعه من روائع الشعر الشعبي العراقي
بقلم الشاعر الكبير مضفر النواب
والتي غناها المطرب الكبير ياس خضر
وان شاء لله تعجبكم

(( زرازير البراري))

حن وأنا حن

و انحبس ونة ونمتحن

مرخوص بس كت الدمع

شرط الدمع حد الجفن

...

جفنك جنح فراشة غض

و احجاره جفني و ما غمض

يل التمشي بيه ويه النبض

روحي على روحك تنسحن

حن بويه حن

حن عمي حن ...

..

..

عيونك زرازير البراري

بكل فرحها بكل نشاط

جناحها بعالي السحر

و الروح مني عوسجة بر

ما وصل ليهه الندى

و لا جاسها بگطرة المطر

وصفولي عنك بالنباعي تفيض

و تعليت ليلة ويا القمر

وصفولي عنك كل مسامة تفيض منك عطر

يالحسنك نهر..

تنزل بصدري ويا النفس

و بدمي غصبن تنعجن

و أشهگ و اصعدك للسما

بحسرات و بعنة حزن

حن.. حن بوي حن

..

**********

شفافك ولا گولن ورد .....

عنابه معگودة عگد

تمتلي بگد ما تنمرد

لا هي دفو ولا هي برد

أنا بوصفها راح اجن

حن بوي حن

***************

سكتاتك تشكل خواطر بالگلب ...

مالي عرف بيهم كبل

مبروم برم الخياط يا ريان

و الخاصر خصر لف العگل

كل كلمة منك ...

نبعة البردين .. بالدلال ...

ما تحمل ثگل

وصفولي عنك

وردة من قداح ريش جناح

زاهي بالسحر

وصفولي عنك

شال منك غيظ بستان الورد

والنرجس الرايج سكر

حنو طواريز ولحن ...

و حنت حمامات السجن

حنه إلي ...

و حنه إلك ...

واللي يعجبه خلي يحن

حن بويه حن

*************

آنه من أشوفك

يمتلي الماضي الجدب

زهرات بيض من الوفه

وروحي سواجي من الحنين تصير

وأتنبه وكت بيها غفه

يا محجل إن مريت بيه ردود

أرد أردود بالعشرين ....

من عمر الجفه

وأنصف عمر منك

فما أنصفت إلا بالهجر ...

والهجر منك ما كفه

حتى الهجر يا روحي

منك ما كفه

وكلبي عله هجرك دوم يحن

حن ...

وآنه حن

وأنحبس ونه ...

ونمتحن

مجبور أرخصك على الدمع

شرط الدمع حد الجفن

اتمنى ان تنال اعجابكم

[ام علاوي]

آنه من أشوفك

يمتلي الماضي الجدب

زهرات بيض من الوفه

وروحي سواجي من الحنين تصير

وأتنبه وكت بيها غفه

يا محجل إن مريت بيه ردود

أرد أردود بالعشرين ....

من عمر الجفه

وأنصف عمر منك

فما أنصفت إلا بالهجر ...

والهجر منك ما كفه

حتى الهجر يا روحي

منك ما كفه

وكلبي عله هجرك دوم يحن
.................................
الله الله ياكريم رجعتنه لايام حلوه راحت وماضن بعد تعود
قصيده حب واشتياق ووله تطرب لها تلابيب القلوب
اختيار موفق عزيزي
لاحرمنا هالذوق الراقي
تحياتي وتقديري

[*كريم الزبيدي*]

آنه من أشوفك

يمتلي الماضي الجدب

زهرات بيض من الوفه

وروحي سواجي من الحنين تصير

وأتنبه وكت بيها غفه

يا محجل إن مريت بيه ردود

أرد أردود بالعشرين ....

من عمر الجفه

وأنصف عمر منك

فما أنصفت إلا بالهجر ...

والهجر منك ما كفه

حتى الهجر يا روحي

منك ما كفه

وكلبي عله هجرك دوم يحن
.................................
الله الله ياكريم رجعتنه لايام حلوه راحت وماضن بعد تعود
قصيده حب واشتياق ووله تطرب لها تلابيب القلوب
اختيار موفق عزيزي
لاحرمنا هالذوق الراقي
تحياتي وتقديري

تسلمين ياغالية على المشاركة والمرور المعطر بالورد والياسمين

[سلام الدراجي]

الله ياكريم لقد كنت كريم معنا في نقل قصيده رائعه
وكلنا سمعناها بصوت الفنان الرائع ياس خضر
عاشت ايدك وبارك الله بك
تقبل تحياتي

[*كريم الزبيدي*]

الله ياكريم لقد كنت كريم معنا في نقل قصيده رائعه
وكلنا سمعناها بصوت الفنان الرائع ياس خضر
عاشت ايدك وبارك الله بك
تقبل تحياتي

تسلم اخي العزيز الوردة سلام الدراجي على مرورك العطر

[امير الربيعي]

عاشت الايادي اخي الفاضل كلمات في غايه الروعه

[*كريم الزبيدي*]

عاشت الايادي اخي الفاضل كلمات في غايه الروعه

مشكور عزيزي الغالي اموري على تنوير صفحتي بمرورك الكريم

[al_iraqia]

عاشت الايادي يا مبدع ويا بطل المنتدى