قصيده من ديوان ((في حب الحسين)) الخادم أن شاء الله خالد الحجار

نار الباب ونار خيمنه**ضلعج وضلوعه تالمنه
يايمه بعدنه وردينه
يايمه حسين متانينه**ضلعج وضلوعه تالمنه
*****************
يمه اسولفلج ودمعـــــــــي **مانشف للساعه يمـــــــه
عيني شافت ضلع دامـــي**وبالكلب خلالي لجمـــــه
وصار صبري وياي يكبر**رافك اسمي وصار اسمه
حيدره محرابه بجـــه
جبد الحسن سمه شجه
الكلب سولفلي شحجه**عن ضلوعه وفيض دمه
ليل موسد ناطر دفنه
اخذونه الضلام ورحنه**يايمه ضل حاير بينه**يايمه حسين متانينه
****************
يمه اخذوني يسيـــــره ** بردني اتستر الحالـــــــــي
وصرت الوذ بين همي**وصرت الوذن أبخيالـــــي
سوط فوك المتن يشـهد** وراس فوك الرمح عالــي
خليته ابن عقد الــولى
جثه سليبه مرمـــلـــه
من جفنّه من غســــله**وصار حال الضيم حالــــي
ويتامي شردت مرعوبه
ادور عن واليه وصوبه
يمه ماظل جف يحميني**يايمه حسين متانيني
****************
اشوكت طف كربله اوصل**وتحجي دمعاتي ويّ كبره
عالوجه مكلوب عفتـــــــه** شرّف الطف دمه نحـره
ريتها لضّلوعي رضــــت **الخيل من داست ابصدره
نار الي بابج حركته
حتى المخيم لهـــبته
حقد السقيفه جابتـه ** اصلاب من اصلاب قذرة
شوكت اوصل واشتم من طيبه** وجروحي ما إلهن طيــــــــــبه
يايمه فراكه ماذينه**يايمه حسين متانينه
****************
يمه امشي وياي أَكَعــــــده**احجي ماريدن عتابه
جرحي ادري جرح كَلبـه **فوك لوعاته وعذابه
جرح الاكبر جرح جاسم**جرح عباس ومصابه
ظهر المنيه من سرج
اتشوفه بالموت ابتهــج
وصحبته الضحت بالمهج**بالدمه وافت اصحابه
وعباس العامـــــود بهامه** طاح وخلاني منـــضامه
يايمه بجفينه وعـــــــينه**يا يمه حسين متانينه
***************
طفل كمطنّه زهوره **طري غصنه وبعده مايل
والعطش يبس شفافه **شأخذ منهم بالمقابـــــــل ا
لسهم ينحر وريـــده **نزف دمـــه ورده ذابـــل
عطشان وبنحره انرمه
وكماطه سابح بالدمـــه ب
عيوني دنيه مظلمـــــه**هم لزم سيف ويقاتـــل
رقيه بأرض الشام إدفنّه **طيرين اترفرف بالجنـه
يتيمه ومفطوم مئاذينه**يايمه حسين متانينه *
****************
يمه ياليل اليمرنــــي **تهيج روح ونار تسعر
اظلم اليوم الاصّبحه**كلت اصبّر كلبي واكدر
ابقه بجروحي اداوي**وجبدي يــابضعه تفسّر
ضل اليتيم بدمعتــــــــه
بالغربه صارت سلوته
تصعب عليه شوفتـــه **وانتي اعرف منّي اكثر
نبجي دم تبجين علينه **هم امصّبحنه امسينه
يايمه للطف ماشينه**يايمه حسين متانينه