أحجي براحتك باب العتب مفتوح
ولك صدكَ حبيبي تكتل السكته
وحجي براحتك باب العتب مفتوح
ياِِالكَلبي بهواك شباكَ شبكته
وشكيلك همومي ياشريك الروح
وحسب ضاع عمري الدنيه بايكَته
وسمعنك حنيني الوي حمام الدوح
يانبع الصفاء الأني ما صنته
حبك علي بين والعشكَ مفضوح
حتى منسكت وطاريك ماجبته
ياريح البنفسج بالجديله يفوح
امانه الكَلب بيدك انه امنته
ولك كَدام عيني اليوم كَمت تلوح
تعال السهم طلعه البلكَلب عفته
الك وسط الكَلب بيبان وصروح
ليش منل اساس العمر هدمته
د أدنّه أشمن ريحتك لتفوح
يالحبك جريمه الناس حاسبته
عنبكم ادري عالي وايدي متلوح
اجاك العمر سايل وعرفت دكَته
يالحبك منايه كَبال عيني يطوح
دفك الباب نار الكَلب ماكلته
انا صرت بوسادت موت مطروح
وصرت مثل الطفل والعبره خانكَته
تدريني بهواكم صرت مذبوح
بس كبر عليه واقبل تموته
ردت ويه الجنازه أصيرصايوح
وتنادي حبيبي هذا اليوم ودعته
بقلمي
اخوكم الشيخ
ابوحيدر الشويلي
رد مع اقتباس
رد: أحجي براحتك باب العتب مفتوح
