والله تتندم-جديد بقلمي

[الشاعر محمد الحميداوي]

مودمعه بجيت عيوني صبت دم
واكلك يلعفتني وربي تتندم
طعناتك غدر وبظهري مرسومات
ماهمني الطعن بس الغدر الم
هديتك من ربيعي ورود عمري الفات
ذبحته انته بخريفك والحزن غيم
ما اهتم بعد ما اصفن الذكراك
لئن من الخيانه الروح تتهدم
ما اعتب بعد ما نفع عتبي وياك
هاك اخذ الدمع جلمات تترجم
رسم نهرين حزني بكل صلافة عين
من غدرك بقيت بلوعتي اتالم
وتمرني الشماته وبيه تلهج دوم
ويكلي الصفت دنياه لاتهتم
ما اهتم
اجذب روحي لو كلت السكوت اسلم
واغدر نيتي البيهه الحلم يحلم
انه الوفه بدمي وما نكرت الشوك
شاعر والوفه بطبعي واحب احلم
اظل انكط حيه شما عسرت وياي
ما ابيع الشراني وياي ما يندم
روح انته وظميرك يالضميرك مات
والعنده ضمير من الغلط يفهم



بقلمي الشاعر
محمد الحميداوي

[شاكر الهلالي]

قصيده رائعه جدا ومرسومه بحبكه

احسنت وتسلم الايادي صانعة الابداع 0

[السومري71]

سلمت اناملك المبدعه
قصيدة مميزه وجميله
ننتظر جديدك ايها المبدع فلا تبخل علينا
تحياتي

[عادل المنصوري]

قصيدة رائعة جدا وصور اجمل
شكرا على هذه الكلمات

[ام فيصل]

نبره ألم وشاعرية رائعة
واحساس جميل

دام لنا هذا النبض والقريحة العذبة يامحمد
تحياتي لك وتمنياتي لك بالتوفيق الدائم

[الشاعر محمد الحميداوي]

اخي الغالي شاكر الهلالي اشكر مرورك المميز الى متصفحي تحياتي لك يا متألق

[الشاعر محمد الحميداوي]

اخي الغالي السومري تحياتي لك ولتواصلك معي دمت بالف خير واشكر مرورك الغالي

[الشاعر محمد الحميداوي]

الاخ الشاعر المبدع عادل المنصوري تحياتي لك اخي الغالي واشكر مرورك الرائع دمت بالف خير وعافيه