ما مصدك عيني-------بقلمي

[الشاعر محمد الحميداوي]

ما مصدك عيني من شفتك اجيت
وجذبت روحي لمن لاكيتك
اني ما اذكرك الان لا ما نسيت
انته كلبي ولا تكلي نسيتك
جنت ميت بس عشت تدري بهواك
وانحسب عمري لمن حبيتك
دموعي نار وجمر صبت من جفاك
كون اندل والله اجيك البيتك
اني ما تانيت غيرك لامحال
وقدمت روحي لمن تانيتك
بعد لاتبعد بعد ما ظلي حيل
بعت عمري بجيتك وشريتك
لاتموتني حبيبي انته بجفاك
بعد ما احمل ولك حبيتك
بقلمي
محمد الحميداوي

[شاطئ السلام]

صح لسانك اخويه محمد
كلمات روعه وهذا آخر رد الي وهو الك
اتركك بأمان الله
لك تحياتي

جنت ميت بس عشت تدري بهواك
وانحسب عمري لمن حبيتك

كلمات روعة عاشت ايدك وصح لسانك

[سلام الدراجي]

تسلم محمد رائع كما اعرفك
تقبل مروري
اخوك سلام الدراجي

سلمت يداك
وجميل ما خط قلمك
الذي جعلنا نسرح
في سماء التميز والابداع
كلمات رائعة مصحوبه بعذوبة المعنى
وصدق المشاعر والاحاسيس
اهنئك على قلمك
ومن ابداع الى ابداع
ننتظر جديد ما يخط قلمك
على احر من الجمر
مع تحياتي

[الشاعر محمد الحميداوي]

تحياتي واعتزازي الى كل من ترك بصمته في متصفحي لكم مني كل الود