وين رايح ياالصبور و شايل ابإيدك عطية ؟!
وين يبن الرافدين صادروا حته الهوية
تمشي مذهول وخطــوتك حايره
شايل القربان لعيونه هدية
العراق وبالمخاض يصيح بيكم
وانتوا تتحملون لعيونه الأذيه
وين رايح ... !!!!
شايل هموم وعذاب وحاط بالجيب الوصية
اليوم اخوي وباجر ابني
وكلنا باجر عالوطيّه
هذا هو دم العراقي باقي ينزف
مثل دجلة من نزف جثمان عثمان واخيــّه
صار طوفان العراق
تغرك وببحور دمــّه الطائفية
وين رايح ,,, !
وكلشي بان من القضية
يالعراقي يلتدوّر عالأمان
هذا عنــوان الأمان
صــك إجــاك من الحكومة الطائفية
الصعدت اعله ركَابكم وبلا ضمير
وتصرخ اليوم وتنــادي
من أجلكم نحن نعمل
من أجل ننعم سوية
إحنه نصعد عالكراسي
وانتوا لتدفعـون من دمكم الديـــّة
وسلامتكم
عذرا لكم فالكلمات ارتجالية
مع تحياتي لك عزيزي
ولموضوعك الذي اوجع قلوبنا