حلاوة الحليب بطريقة ام علاوي

[ام علاوي]

السلام عليكم ورحمة الله وبركاته
شلونكم يافراتيين انشالله الكل مرتاح

طبعا اني اسوي حلاوة الحليب ويمكن راح اخذ عليها جائزه دوليه شكد ماطيبه ههههههههههههههههههههههههههههههههه
يابه اتشاقه بس مثل متعرفون الطبخ نفس والحمدلله والشكر طبخي لابأس بيه ماأريد امدحه
اليوم حبيت تجربون حلاوتي وتكولولي رأيكم طبعا تجربونه بالطبخ مو بالاكل ههههههه
ولو يصير اطبخها واجيبها للمنتدى مجان قصرت ومن عيوني تدللون يله لنطول بالحجي

المقادير
كلاص حليب باودر
نص كلاص طحين صفر
شيره (كلاصين شكر +3 كلاصات مي ) تخلطهن ونغليهن عالنار يعني شيره عاديه وتبرد
ملعقة كوب هيل مطحون
لب جوز مفروم
نص كلاص زيت


طريقة العمل

1-نخلط الطحين والحليب معا في كاسه
2- نضع القدر على النار ومعه الزيت وننتظر الى ان يحمي الزيت قليلا
3- نضع الحليب والطحين في القدر ونقلب ( نحمس) الحليب والطحين الى ان يصبح لونه قهوائي بس موطوخ كولش لازم يكون لونه مثل لون الاخشاب
4- بعدها نصب فوقه الشيره ببطء شديد مع التقليب المستمر الى ان ينتهي مقدار الشيره كله
5-بعدها نخلطه بسرعه ونضيف له الهيل المطحون
6- ثم نطفيء النار ونصبه في صحون الحلاوه
وننتظر الى ان يبرد قليلا (دافيء) ثم نرش فوقه الجوز المفروم

وبألف صحه وهنا
اكلوها وادعولي
مع تحيات الشيف ام علاوي

[الوردة الجورية]

مشكورة حبيبتي على هاي الوصفة الرائعة بس ليش كل هل غرور وصارلج ساعة تمدحين بنفسج هههههههههه وهسة أقلها الماما تسويها لأن اكيد الأكلة طيبة لأنها من وصفات أم علاوي المبدعة تحياتي لكي يا الغالية تقبلي مروري المتواضع مع تحياتي وتقديري

[طائر الجنوب]

مبينه طيبه حيل هههههههههه شكرا لكي ام علاوي على هذه الحلاوه

[ملك الرومانسيه]

مشكور ام علاوي على الطريقه
وان شاء الله معزومين يمج مو صح
واذا معزومين بلغي المشرفين كلهم

[ام فيصل]

مشكورة عزيزتي
طبق مميز وشهي
شكرا لك والله لايحرمنا حلاوتج بالمنتدى وبالمطبخ


رمضان مبارك عليكم

[ام علاوي]

حبيبتي الورده الجوريه اكيد الوالده رح تسويها اطيب مما اني اسويها
لان اني متأكده نفسها حلو بالطبخ
تسلملي هالطله
قبلاتي

[ام علاوي]

شكرا للمرور الكريم اخي طائر
لاعدمتك
تحياتي

[ام علاوي]

تسلملي هالطله ملك الرومانسيه
ولو يصير جان سويتها وجبتها للمنتدى بس ميصير
وتدللون من عيوني
تحياتي