يكفيـني .. بقلمي .

[عتابي]

يكفيني فخر فرزنت الوجوه ..
اوشفت ياهو الالي وياهو العليه
شفت كلشي بحياتي اشكال والوان ..
حملت اهموم واهات واذيه
ولكيت اكلوب ما مسها الزعل يوم ..
ولكيت اعقول متحجرة وغبيه
غشاني الوكت بشعيط وامعيط
وما ادري الاصابع مو سويه ..
تيهت الرسن والدنيه مركاض
وكت خوف وشضيه اتطك شضيه
افوجن بالصبر واتناوش الراك ..
واجلب بالصخر بثنين اديه
من كظك سموم الصيف بجاك منهو الغيري وكف وانطاك فيه ؟
عركتنه انكضت والطاح خله ايكوم ..
وخل انشوف منو بينه الضحيه
كتلك لاتاخذ حجي اليحجون وجهين
الحجي الجابوه الك ودوه اليه
لا انه الطحت ابين نابين
ولا انه الكبحت روحي برديه
انه انطاني المخرج دور جلاد
والذ اعدائي متهوم ابقضيه ..
اذاً .. من حقي امثل واقع الحال
واكمل كل فصول المسرحيه


وتحياتنا ..

منقول

ارجو كتابة عبارة منقول للأمانة الأدبية ومنعا للحذف لاحقا

[الشيخ ابوحيدر]

جميل وائع لك كل الحب يالغالي

[عتابي]

شكرا للمرور اخي الشويلي .. دمت بهذا التواصل .

[نجوي]

انه انطاني المخرج دور جلاد
والذ اعدائي متهوم ابقضيه ..
اذاً .. من حقي امثل واقع الحال
واكمل كل فصول المسرحيه

الله ع هذه القصیده الروووووعه
سلم اناملک ولاننحرم من مزیدک
تحیتی

[عتابي]

شكرا للمرور اختنا الفاضلة ..
لك مني فائق الاحترام والتقدير .

[ابو سجاد العتابي]

بديع ورائع اخي العتابي تقبل تحياتي
اخوك ابو سجاد العتابي
امريكا

[ام فيصل]

عاشت الايادي على هذا النقل والاختيار الجميل
وكل الشكر لك عزيزي
دمت ودام لنا هذا العطاء والتواصل
ولك اطيب تحياتي

ننتظر منك المزيد

[عتابي]

عاشت الايادي على هذا النقل والاختيار الجميل
وكل الشكر لك عزيزي
دمت ودام لنا هذا العطاء والتواصل
ولك اطيب تحياتي

ننتظر منك المزيد

اي نقل اختنا الفاضلة ؟؟