عيونك ليل

[الشاعر ماجد الدعمي]

عيونك ليل ..
واني من يجيني الليل
اشبك طاري اسمك
واصفن وي الليل
وامد ايدي لباب الليل
الكي حروف مكتوبات
واحير شلون اقراهن
واشعل من سنيني شموع
واقره شكاتب اعله الليل
وتطيح عيوني بجفوفي
حيره ودمع عيني يسيل
من اقره اعله باب الليل
كاتب اني مسافر !!
واضيع بحيرة ظنوني
واكولن ليش ؟؟
من كثر السفر ياترف مامليت ؟
تجيك الراحه وانت بعيد ؟
بدليلي اجم جرح خليت ؟
وبعد بي الليالي تعيل
ومسودن حرح روحي
جا منهو الخطيته يشيل ؟
وارد لليل
وعيونك قصايد من ضواهه نجوم
وشواطي الروح عكبك
فاركاهه الماي
وطيور النوارس عالجروف
تحوم
وارد لليل اسولف كل هضم روحي
بلجي احن من كلبك
يصير وياي كلب الليل

ماجد الشاعر
24/1/2009

[هاشم نجم]

واكولن ليش ؟؟
من كثر السفر ياترف مامليت ؟
تجيك الراحه وانت بعيد ؟
بدليلي اجم جرح خليت ؟
وبعد بي الليالي تعيل
ومسودن حرح روحي
جا منهو الخطيته يشيل ؟
-----
قصيده رائعه يا مبدع وعاشت ايدك تقبل تحياتي ومروري

[الشاعر ماجد الدعمي]

تسلم حبيبي هاشم ودائما تنورني بمرورك الجميل
تحياتي لك

[سلام الدراجي]

تسلم حبيبي ماجد قصيده رائعه تقبل مروري

[ام فيصل]

لابد للبعيد ان يعود

ايها النبع الذي لايجف

لتأملك الف تحية من القلب -- فيا لندي ّ وسحر هذه الكلمات التي تسطرها

احسنت ------------- ايها المبدع

[مرام سامي]

من كثر السفر ياترف مامليت ؟
تجيك الراحه وانت بعيد ؟
بدليلي اجم جرح خليت ؟
شكرا ايها الشاعر على هذا الشعر تحياتي وسلامي

[الشاعر ماجد الدعمي]

حبيبي الزير الروماني ممنون منك جدا جدا
سعيد بتواجدك

[الشاعر ماجد الدعمي]

عزيزتي ام فيصل تحيه لك من القلب
وسعيد جدا بمروك الجميل وكلماتك التي
بت انتظرها ارى انها مكمله لما اكتب .
تحياتي