تعال ..4 ( مساجله بقلمي ) 4

[علي الغنيمه]

تعال
تعال اشتعزف الالحان باذن الناس تجليبه
تعال اجفوفنه من الضيم كسرت مغزل الطيبه
تعال وناشد الديوان وينه الجان بي هيبه
تعال العيب كام ايصيح وينه اليستر العيبه
تعال ابعازة المعتاز منهو اللي يفك جيبه
تعال الماتجيبه الذات ماظل مستحه ايجيبه
تعال المامرتبه الله شلون ايصير ترتيبه
تعال الحزن فر دولاب والذل ابدواليبه
تعال اشفرق للغركان ؟؟ لو مطرة شته اتصيبه
تعال
تعال وخل عمرنه ايصير دمعه ابهور البتيره
تعال انشد عزيزالناس بيش انباعت الغيره
تعال الليل ذاك الليل والطالت مشاويره
تعال وليل المسامر ينشد عن نواطيره
تعال ابعازة الكطره نهرنه بلا نواعيره
تعال الوكت لاعبنه لعب جاهل على طويره
تعال وصنف الينباع والينشره بهالديره
تعال
تعال المنجل اتكسر بدينه شلون نحصد ؟؟بيش؟؟
تعال وخبزة التنور هانت وي رغيف العيش
تعال ابجرف من همنه غركنه وجنه نعبر كيش
تعال الصحبة البذات ماذكرت عتاب وليش
تعال وحيد والدنيه مصايبهه عليه ابجيش
تعال
تعال الدنيه لعبة زار
ذب واحد .... واحسبه ابشيش
***** تمت *****

[حيدر القريشي]

ابو حسين
جميل ورائع ما سطرته اناملك هنا
بأنتظار الحبيب ومتى يعود لا احد يعلم
تقبل مروري المتواضع
مع ارق التحايا
واطيب الامنيات

[علي الغنيمه]

ابو حسين
جميل ورائع ما سطرته اناملك هنا
بأنتظار الحبيب ومتى يعود لا احد يعلم
تقبل مروري المتواضع
مع ارق التحايا
واطيب الامنيات

ممنون يالغالي ابو كرار الورد كل بانتظار شيء وقد يطول الانتظار شكرا لك تقبل تحياتي

[سلام الدراجي]

اخ علي بالله عليك ارحمني انا سريع ادموع والله ابكتني قصيدتك وبع ما اكدر اكمل؟؟؟؟؟؟؟

[علي الغنيمه]

اخ علي بالله عليك ارحمني انا سريع ادموع والله ابكتني قصيدتك وبع ما اكدر اكمل؟؟؟؟؟؟؟

دموعك غاليه يالعزيز لك مودتي وغاية امتناني واحلى تحيه

[بلسم الروح]

تعال العين الك تبرة

ظلام وطلعتك كمرة

واظل مثل اليحفر بير بيدة يدور الكطرة

شنو هالابداع شنو هالكلمات التخبل كلش كلش كلش عجبتني

عاشت ايدك ميت مرة كل الابيات حلوة

اخ علي لااكلك ولاتكلي ابداع في ابداع

تحياتي

[علي الغنيمه]

تعال العين الك تبرة

ظلام وطلعتك كمرة

واظل مثل اليحفر بير بيدة يدور الكطرة

شنو هالابداع شنو هالكلمات التخبل كلش كلش كلش عجبتني

عاشت ايدك ميت مرة كل الابيات حلوة

اخ علي لااكلك ولاتكلي ابداع في ابداع

تحياتي

انك البلسم يابلسم اسم على مسمى .. شكرا لذوقك الراقي وجمال احساسك وتقبلي صدق مشاعري ودفء روحي شكرا لك

[امير الاحزان:]

جميل منك هذاه الرباعيه
وقفت عندها كثيرا" والمتني كلماتها
متى اذا" تشرق الشمس بعد الظلام
بعودة الاحباب ولمة الشمل
بانتظار ذلك وبانتظار جديك الرائع يا روعة