دارميات بين زوج وزوجتة

[عامر الكربلائي]

السلام عليكم ورحمة الله وبركاته



الزوجة:
اكعد نهارك فات اوه امداني
خلصت عمرك نوم تشخر بذاني




الزوج:

كليلي شتريدين خليني نايم
اليصبح بوجه البوم يشبع شتايم



الزوجة:
كون انه بومه تكول جا انته الغراب
من شفتك ولليوم تبحث بالتراب




الزوج:
بس بعد لاتحجين يم البراطم
غلطة انه بيج ارضيت وعليهة نادم




الزوجة:
لو كبل وجهك هاذ شايفتة انة
جا انتة والوياك شلعت اذانه




الزوج:
وجهج مزنجر دوم مثل الحديدة
لو جلفة انة بسيم ما اظن يفيدة


منقوله

[ابو سجاد الركابي]

صلفه ولسان اطويل جسره اوكيحه
يعنه الله هالمكرود ما ظن تريحه
(جا) شكد صلفه هاي المره
هههههههههههههههههههههه
السلام عليكم تحياتي اليك\الاخ عامر الكربلائي
مجموعه جدا جميله\\\\

[عامر الكربلائي]

ههههههههه صدك وكيحه تحياتي الك اخي الغالي

الركابي على اجمل مرور شرفتني تسلم

[ام فيصل]

ههههههههههههههههههههههههههههههههههه

شنو هذا يبو سجاد ؟
يعني بس هيه وكيحة ؟ ماتشوف رده هوه بعد مامقصر ههههههههههههههه

شكرا للحوار الرومانسي ياعامر الله يعينهم على هالعيشه ؟

نقل واختيار مميز
تحياتي لك عزيزي

[عامر الكربلائي]

شكرأ لمرورك الرائع ام فيصل وهيه صدك وكيحه اخ النسوان هههههههه

ربي يخليك يلغاليه

[السومري71]

هههههههههههههههه
ونعم منهم اثنينهم ما قصروا
خالص تحياتي لك اخي عامر
والله يحفظك ويحفضنه من هيج حياة

[عمار الغزي]

هههههههههههه
عاشت ايدك اخي عامر
دارميات جميله شكرا لك
وتقبل مروري

[سفيره الشعر]

هههههههههههههههههههههههه

شنو عيني على اساس هو قصر بالحجي
تحجي كلمه يحجي عشره جرح مشاعرهه
اويلي لو بس يواجهني اكتبله قصيده وجه وكفه

هههههههههههههههههههههه

تقبل مروري وتحياتي لتلطيفك الجو بهذه الدارميات