أنه ميت عشك........................بقلمي

[عقيل كريم الشويلي]

أحبك وأجيتك لاتدير العين

أنه ميت عشك من الجدم للراس

لاتصدلي بعين وكحه وتروح

خلي عندك دم وأشويه احساس

تره الوادم من تحب بسكوت

وانه المفضوح بين هاي الناس

ماأريد أندم وأعض الأصابع حيل

أريدك من صدري أتروح الوسواس

بالعشك كونك أنت القدوه تصير

وتنظرب بيك الأمثال وتنقاس

ياذايب ترافه اشلون انه وياك

وكلي بهذا الوكت ياترف ينجاس

يالبشفتكك عسل لامو عسل تين

لأن طولك جنه عود الياس

يالشعرك سرح ومغطي المتون

شوصفك بعد ومنين اجيب المقياس

لاتهز خصرك امشي أشويه بهداي

مابينه انشيل التفك وانجيب حراس

بقلمي الشاعر
عقيل كريم الشويلي

الشويلي مرة اخرى نرى منه الابداع قصيدة بطعم العسل شكري لك اخي على الابيات الجميلة

[عقيل كريم الشويلي]

الشويلي مرة اخرى نرى منه الابداع قصيدة بطعم العسل شكري لك اخي على الابيات الجميلة

الأخ الرائع الأمير سامر اشكر مرورك
هنا لك خالص تحياتي وتقديري

[شاكر الهلالي]

تسلم الايادي عزيزي عقيل الشويلي

ابداعاتك حلوه وموفقه

تقبل أحلى تحياتي لشخصك الطيب 0

[عقيل كريم الشويلي]

[quote=شاكر الهلالي;1046624]

تسلم الايادي عزيزي عقيل الشويلي

ابداعاتك حلوه وموفقه

تقبل أحلى تحياتي لشخصك الطيب 0

الأخ الرائع شاكر الهلالي
شكرآ لمرورك هنا لك خالص
تحياتي وتقديري يامبدع

[شوك الشفايف]

يالبشفتكك عسل لامو عسل تين

[عقيل كريم الشويلي]

يالبشفتكك عسل لامو عسل تين

شكرآ لمرورك هنا أخي لك تحياتي

عزيزي الشويلي قصيدة رائعة ولكن على مايبدو اني قرات ابيات مشابه لبعض ابيات قصيدتك تحياتي لك يامبدع ويحصل ذلك في اغلب الاحيان