اذا عندك سؤال اسأل قبل ما روح

[ماءالسماء]

اذا عندك سؤال اسأل قبل ما روح
ولتراوغ حروف الجملة واحجيهة
لان كل حرف يرسملك طريق طويل
اذا سوي جملتك درب ومشيهة
وضل امشي بطريقك لاتدير العين
ولاتحجي ابد وافكارك اخفيهة
مسلسل كل الغاز وحكم واراء
والحلقة الاخيرة وين تاليهة
طلعت انت البطل وانت الكتبت النص
وانة دوري اصفك حتة انهيهة
شفت جمهورك يعاين يزف دموع
وانة احتار دمعاتي المن ابجيهة
اذا ابجيهة ليك منين اجيب دموع
يالبلدم طلعت عيوني ماليهة
حرت مدري احبك يا اعز الناس
لو ابقة بوسط افكاري اصفيهة
واضن مرة سألتك ياهو يضوي الكون
كلتلي الشمس خايب .... ما تطفيهة
ومن شفتك تغازل بالكصيبة الناس
احس فانوص بالروح اشتعل بيهة
تعلل كلبي من غدرك يروح الروح
وما اعرف حياتي وياك تاليهة
صحيح الحب جميل وكلشي بي شفاف
بس كلمة احبك جنت ناسيهة
ردت اسمعهة منك بس كلت لا لا
ردتك انت وحدك لية تحجيهة
صفة حبك ورد وشكثر خفت عليه
من ماي العيون اورادك اسكيهة
واخيراً جيتني بكل ذلة محني الراس
وتترجة وتبوس الروح بيديهة
ولك ابعد بعد لاتوصل الهالدار
من غدرك زمانك كومة فر بيهة
مو كتلك حياتي كالرضيع ينوح
كتلي بعين هاي الروح اداريهة
بعدني وياك الولي لروحي حتى تنام
وانتة بكل غضب روحي تطك بيهة
صدك كالو عليك اتحب تذل الناس
بس الذالة ترجع ترة الراعيهة
وجتك ذلتي شيخلصك من النار
حير بناري هسة وعود طفيهة


تحياتي للجميع

[عمار الغزي]

عاشت الايادي يا مبدع
تقبل مروري

[*كريم الزبيدي*]

احس فانوص بالروح اشتعل بيهة
تعلل كلبي من غدرك يروح الروح
وما اعرف حياتي وياك تاليهة
صحيح الحب جميل وكلشي بي شفاف
بس كلمة احبك جنت ناسيهة
ردت اسمعهة منك بس كلت لا لا
ردتك انت وحدك لية تحجيهة
صفة حبك ورد وشكثر خفت عليه
من ماي العيون اورادك اسكيهة
واخيراً جيتني بكل ذلة محني الراس
وتترجة وتبوس الروح بيديهة
ولك ابعد بعد لاتوصل الهالدار
من غدرك زمانك كومة فر بيهة


تسلم عزيزي الغالي على هذا الشعر الجميل وتقبل مني كل الحب

[ماءالسماء]

تحياتي لكم ايها الاعزاء وبارك الله فيكم تقبلوا تحياتي واشكركم جزيل الشكر على دعمكم المعنوي وترقبوا الجديد.

[امير الاحزان:]

تسلم يالغالي
قصيدة رائعة
كتبت فأبدعت
دوم التواصل
تحياتي
اخوك الامير