بقلمي-هوسات للبرلمان

[ناصر اسماعيل الموزاني]

{هوسات للبرلمان}
....
1-
من اربيل لربيعه لساحة الانبار
وتكريت ونجف والبصره والعشار
عراقين كلنا ودارنا فد دار
النار الطبت بيتك
هيه ابيتي ونفس النار
....

2-
ياسيد علي يا مرجع الاخيار
ألك حلم وعلم من جدك الكرار
لوما حكمتك اصبح وطنا أبنار
أحتركة والله أحتركة
وأنته الماي الطفى النار
.....
3-
للتاريخ اكتب لو سكت الاعلام
غير الچلبي من طيحه الصدام
وغير المالكي من وقع الاعدام

طفروا كلهم طفروا
من صار التوقيع
.....
4-
تيار الصدر ما مثله أبد تيار
يظل ويه الفقير وأبد ما يندار
أهله مقتدى واجداده كلها أخيار
مجرب سيف مجرب
ما هاب أمريكان
.....
5-
أجنده خارجيهأتقودها الثولان
يريدون الوطن نطيه للجيران
منسلم الوطنبيد العگل يفلان
تهبد خلها أتهبد
مو بيد الثولان
..........
6-
يرجع للحكم حزب البعث أحلام
طگ ومات عفلق وأنتهى صدام
أشو حكمو ربعنا.... وبينو ظلام
العفلق نفس العفلق
بس مقنع باسم الدين
...........
7-
البعثي برلماني ومركزه عالي
والضد البعث حطوه بالتالي
هيچي برلماني هوه ونعالي
البعثي انشيله البعثي
ونكسر خشم الحطه وياه
.....
8-
وزارات الحكومه نصها بعثيه
من حيث الرشاوي بيها شرعيه
الوحيد المالكي بنص الحراميه
الله يساعد كلبك والله
يعينك يابو اسراء
....
9-
بزمان الطاغيه چان الشعب مسحوگ
واليوم الحكومه ترتشي وتبوگ
أذن نفس الظلم ماعدنا كل أحگوگ
المجلس بس المجلس
عايش ما معتاز
.....
10-
أنتفظنه اعلا الظلم من ثرنا بالتسعين
وقدمنا الضحايا .......لحد سنة ألفين
طاح الطاغيه.... وأستلمو اهل الدين
الظالم بعده الظالم
ما طاح الطاغوت
.....
11-
من صارت الثوره وانتهى الطاغوت
شطبنا اعلا القتل گلنا بعد منموت
أشو صارت جثثنا الميه أبتابوت
أتبين والله اتبين
ما ميت صدام
...
12-
ألتمو علينا..... اشعيط ويه معيط
وهابيه وبعث ضيعنا راس الخيط
متقدم وطنا....... يصنع الخريط
أنصدر گمنا نصدر
حته اعلا اليابان
.......
13-
سعوديه ..وقطر قاعدة الامريكان
ويزيدية الشام..... وناصبة عمان
كلها اتحزمت چي نايم وتعبان
البيت المابيه عتوي
يصبح ملعب للفيران
......
14-
غدرهم مو غدر يشبه غدر بكان
يكتلون الشعب وبحجة امريكان
چا هيچي اليقاوم يكتل الجوعان
السافل وابن السافل
گام يجند بالثولان
........
15-
بيا دين المجاهد..... يكتل الاطفال
ما تكتل العزل...... ديدن الابطال
اليقاوم ما يفجر... مسطر العمال
ماصل ساسك شامي
من جدك سفيان
......
16-
بفتاوي الناصبه الّي يدعون الدين
السعودي القذر يذبحني بالسچين
يزيديه هذوله قتلوا ألف حسين
الشمر مأصل بيهم
ذوله انغوله من الجينات
.....
17-

اليدافع ع البعث في مجلس النواب
قطعاً مشترك ومساند الارهاب
هذا نحاسبه وباچر وراه أحساب
أكطع ذيل العگرب
حيث السم براس الذيل
......
18-
الفقير بهل الزمن ماله أهل ياناس
يتعشه بصل والمله يضرب كاس
الحكومه ما تحس ماعدها بعد أحساس
اليثرد همه أبطنه
لتظن يهتم بالجوعان
......
19-
فقير آنا بصريفه ع الدرب حطيت
لاعندي وضيفه... لاسكن.. لابيت
النائب لو نزيه بحالي ما ضليت
الخير بيهم سافل
المن اشكي لياگواد
.....
20-
الوزاره من الرشاوي چن چلب مچلوب
مثل شغلت حليمه .......ما اضنها أتوب
من آب أتامل .............ينزل الحالوب
غيمة صيف مبينه
ماظن ينزلك حالوب
.....
21-
الفقير من الحرارهينام يم الباب
ومحطة كهرباء بمجلس النواب
نعاتبمن بعد ياهو العليه اعتاب
ألمن نشكي ونحچي
وياهو اليسمع بالطرشان
......
22-
برميل النفط....... اتجاوز التسعين
والفقره بعدها..... أبيوتها من طين
چا وين اليصلي ويحچي باسم الدين
المجلس ما بيه خير
ياهو الخير بالنواب
....
23-
انا بحالت فقر عاطل وصعبه الحال
ورواتبهم خزينه تعيش الصومال
ثق نص الحكومه ما تساوي انعال
التافه وابن التافه
اصبح سيد بالنواب
.....
24-
حصتنا الجديده........ بيها كيلولوز
والحنطه بحديد..؟ مطعمه وي الجوز
مرفهتنا الحكومه.... ما عرفنا العوز
العاطل گام يجدي
أتوضف ع التبليط
....
25-
باگونا الضحى........ وبحجة التعمير
وحدات السكن بس حچي وبس تسطير
أنا بحي التنك........ ياربي هذا يصير
النايب وابن النايب
گاعد بالخضراء
.....
26-
الوزير البتجاره...... ظالمينه
مو بيدي النزاها مجرجرينه
ما باگ الشعب باگ الخزينه
البايگ مو نشال
المجلس جابه وحطه
....
27سر الكهرباء ماينعرف سره
عدنا تنگطع باليوم الف مره
وزير الكهرباء شيهمه شيضره
ملحف نومه ملحف
خايف ليطگه التبريد
...
28
أمين العاصمه مشهور بالبنيان
يبنيلك طماطه أتصير باذنجان
بغداد أنملت بزباله كلها أسيان
أنريدك بس اتكنس
منريد البنيان
...
29-
فقير أفطر بصل وتغده باذنجان
وانام بلا عشه لحد الصبح جوعان
بالفندق النايب ياكل بعمان
مدلّل وأكله اسنيكر
وفريز ورمان
.....
30-
عليمن هل الدراسه خل اريح البال
الخريج أبوطنا ......وضفوه بطال
ثق نص الحكومه ماتساوي نعال
أنعالك أشرف منهم
نص البيهم سعره انعال
....
31-
أخوانك حمه..... من گال طماعين
رادو مندلي ونص من صلاح الدين
وكركوك بنفطها وكل جبل حمرين
أدلّل كاكه أدلّل
سجل ع التبليط
....
كلمات

ناصر اسماعيل الموزاني

[سلام الدراجي]

والله وعاشت ايدك هوسات رائعه