حزوره كلش قديمه بس خل انشوف منو منكم سامعه ويعرفها

[قرة العين]

اسعد الله اوقاتكم واطيبها

الحزوره هي كلش قديمه بس خل انشوف منو منكم سامعه ويعرفها
وطبعاً حل اللغز بالجمله

والحزوره تقول:

(ياقضيتها امراءةٌ تزوجتها هي امي وانا ولدتها )

اتمنى لكم التوفيق

[حب الوطن]

السلام عليكم قرة العين
اعتقد ان القاضي اسمه تها
وانه اي الولد ابن القاضي تها
اما كيف هي امه لا ادري
تقبلي مروري

التوقيع

[قرة العين]

السلام عليكم قرة العين
اعتقد ان القاضي اسمه تها
وانه اي الولد ابن القاضي تها
اما كيف هي امه لا ادري
تقبلي مروري

التوقيع

وعليكم السلام اخويه حب الوطن
اخويه انت وصلت شويه لحل اللغز
بس ما اكَدر انطيك هسه الجواب
حتى اعطي مجال لغيرك بلكت يعرف حل اللغز
وانت حاول مره ثانيه ودقق شويه بالكلمات وراح تعرفه اللغز

مشكور اخويه على مشاركتك
تسلم والله يعطيك العافيه
دمت بخير

[قرة العين]

يبووووووووووووووووووووووي
كله بفكري انه احد سامعهه الحزوره وبالاخير محد طلع يعرف الحزوره
اخويه حب الوطن راح اطيك الجواب وفك الشفرة اللغز وهو:
يا قاضي تها امراءةٌ تزوجتها هي امي وانا ولد تها
معنى ولدتها يعني هو ابن تها وقالها بصفة الافتخار
على انه ولد القاضي تها

دمتم بخير

[ام علاوي]

ههههههههههههههه هاي شنو بسرعه خليتي الجواب قرة العين ؟؟
واني جايه بزودي اريد احلها
يله الجايات هوايه
تحياتي عزيزتي

[قرة العين]

ههههههههههههههه
خوش عليج سوالف حلوه ام علاوي
يعني لمن نحل الحزوره تكَولين ليش حليتوها بساع
يعني شلون الا انخلي الحزوره بدبة الطرشي
ولمن يتخلل عود هذاك الوقت اتحلوها
عمي هاي السوالف قديمه متمر علينا العبوا غيرها
هههههههههههههههههههه
يسلمووووووووو على المرور الجميل
دمتي بخير

[samoona]

حل مقنع ولله يعني منيح اللي فسرتي
:)

[قرة العين]

مشكوره اختي الكريمه سامونا
ع مرورك الطيب
دمتي بخير وعافيه