لسان حال بغداد

اكابر والجروح اهواي
ودوس اعلى الجرح ومشي
وسولف بيه مابيه..

وظم ظنكه بوسط ظنكه
وعلم روحي عالضحكه
وكولن يلله مكظيه..

وظم من شامتي شيبي
ونبت رمحي بكليبي
وكولن حلوه هالدنيه..


واشتل عالجرف اسمي
وظم من الخلك رسمي
واخافن لو دروا بيه..


عهد ثابت كظه بعمري
وخلص بلعمر صبري
لجن حيلي نكت بيه..


واسكت لو حجوا عني
ربعي خيبوا ظني
مني الصوج انه وبيه..


انا العلموه هله اعلى الذل
وبتاريخه شبه لرجالها تكتل
حكم جبري حكموني الحراميه..

انه البيدي ذبحت ابني
جاع وطاح عن متني
وعطش ما عندي اله اميه..
وانه البيدي بعت بنتي
بذهولي وحيرتي وصمتي
ونسيت امي العراقيه..


انه الباكوه ربعه بحجة الخطار
ونه الاضحك اذا بيه توج النار
لان خطاري اخو ليه..

انه بعهد القديم اسكت ولا احجي
ومن بعد السقوط اتعلمت ابجي
لان خوفي كبر بيه..

انه من الجبن صرت انه مو انسان
هتكوا كلشي الي وتحولت حيوان
وصرت احجايه واغنيه..

انه العني قبل كالولي القلعه
ما طفت سنين الغابره الشمعه
عروس انه جنت واجمل ابنيه..

اكيد الماعرفني احتار
انه المحترك نار بنار
وخلوني وحيد اصفك بديه..
انه بغداد يالمحد عرفني
جنت جنه قبل للي وصفني
هسه النار حركت كل كتر بيه..

انا القلعه الشموخ الجنت عز الناس
انه الهيبه الاصل وللعرب رفعة راس
ولا واحد ذكرني صرت منسيه..

عفتوني النذل بارخص ثمن باع
وشروني الي صفو للاجنبي اتباع
وبالخضراء صارت قسمتي الميه...


بحجة برلمان الكاظم اتفجر
وابني الجان عندي عنوة هجر
وصرت سنيه..شيعيه..

خطيه الثوره صارت ليل في ليل
صفت مكبره وتلم بلمجاتيل
لعبوا لعب اصحاب الفيدراليه..


الي يزورني يبجي عليه
يهل ادموع ويكلي خطيه
ولا جني هذيج الكالبه الدنيه...

بقلمي زهير العقابي

[السومري71]

الأخ زهير العقابي
جميل بأن نتغنى ببغداد مهد الأبداع والتألق
ولكنها تبقى برغم كل الظروف الصعبةصامدة
بهمة الرجال الصادقين المحبين لبلدهم ولأنتمائهم
فنحن لانستطيع ان نقول كل الساسه هم اتباع وحراميه
فهناك منهم الشرفاء الذين يحاولون بكل ما استطاعوا انقاذ هذا البلد الجريح
وان شاء الله وبهمت كل عراقي غيور وبتكاتفنا ونبذنا للطائفيه يرجع
عراقنا آمنا متطورا
وترجع بغداد عروس الحريه
الأخ زهير العقابي
اتمنى ان تكون متفائلا
تحياتي لك ولقلمك المبدع

[ام فيصل]

انا القلعه الشموخ الجنت عز الناس
انه الهيبه الاصل وجنت رفعة راس


وستبقى بإذن الله بغداد قلعة الشموخ
فرغم كل ماحل بها منذ الاف السنين من عهد التتار الى يومنا هذا لازالت هي عروس المدن
لازالت قلعة عصية على الظلمة والظالمين

بغداد تبقين رمزا للفداء والعطاء
وشوكة في عيون الحاقدين

الف شكر لك عزيزي
على جميل ماخط مدادك
ولاحرمنا هذا النبض العراقي الاصيل
والناطق دوما بحب الوطن

مع تحياتي لك

الاخ السومري
الاخت الغاليه ام فيصل
اشكر مروركم
لقصيدتي المتواضعه
او انها لا تصلح ان تكون قصيده
دمتم بود

[ام علاوي]

بغداد يا ارض العروبة والمجد التليد

لا لن تهونى وستشرق شمسكى من جديد

وإن كبلوكى بالحديد

اقول هى بلدى

وانا ابدا عنها لن احيد

قصيده رائعه جدا لامست شغاف قلوبنا النازفه بحب العراق
شكرا يامبدع
شكرا لقلمك النابض دائما
لاحرمنا مدادك اخي
لروحك جنائن الياسمين

طالب الشمري
مرورك على متصفحي
يعطي الهيبه لكل الكلمات
لاحرمني الله اخي طالب
دمت بود
تمنياتي لك بالخير والسلام

الاخت الغاليه
ام علاوي
لكي ارق التحايا واعذبها
دمتي بود
تمنياتي لكي بالخير والسلامه

الف تحيه
الى قلبك الطاهر
القلب الذي يحمل كل هذا الحب
له من كل قراؤه الاحترام والتقدير
ومني انا لك
كل الحب والتقدير