تزعل ليش

[ام علاوي]

تزعل ليش **خايب احبك موت

اصبر الروح بيش وانته بيه الروح
واذا تطلع اظلن بس جسد خالي

لكيتك من جنت مالاكي كل الناس
انته اول محب ونته الصرت تالي

يالكلك محبه وانته احن مخلوق
معقوله الحمامه اتصير كتالي!!

صح ماكو بجمالك انه ادري بهاي
وروجة رقتك ماكظهه كل جالي

حرام اعليك تزعل ونته تزعل ليش؟
اجيك انه اعتذر وبلا ذنب خالي

غالي وكلشي عندي ومااهدك دوم
وغالي وهسه احبك جي صرت غالي

احسك تختلف عن كل بقيت الناس
بعيوني اشوفك عالنجم عالي

واشوفن دمعتك ماجنهه تنزل ماي
ذهب تنزل دمعتك تجدح اتلالي

الك بستان عمري بكل ثمن مزروع
راضي بكل شي منك كلشي يحلالي

اجيك ومن ارد فارغ ارد للغير
وعنب بس اعله مودك تارس اسلالي

يمك انسه روحي ومن اكون وياك
وعلى فنجان شفتك تركع ادلالي

000وزعلك
الواشي بلا بخت مرني وزعلك
واموت ولا اجرحنك وزعلك
حلو كلك على بعضك وزعلك
بحلاتك فدوه بس ارضى عليه

تعال الخاطر الله وخل اشبكك حيل
وشوف اشراح تاخذ منك الشبكه
تعال ابماي طيبك بيه طفي النار
تعال اعليه لحك حركتك حركه
شكل الكلبي باجر حصته راحت وين
ومن كدام عينه وينوخذ حكه
ترس اذني سمعتك صفكت للغير
مو من غيرجفك طلعت الصفكه!!
كلبي اعليك جان وبعده يبجي اعليك
ولا توصل حبيبي الذره منعشكه
ماحبيت غيرك لاهويت ابيوم
ولا فديوم راسي الغيرك امدنكه
بعدني اهتز واطيحن من يمر طرواك
واحسك من تمر نسمة هوه وشهكه
نخل حبي طويل وعثكه مايلاح
وبس بحظن كلبك امنت عثكه
من تمركم
الحلاوه البيك يسمر منتمركم
وروحي اتذوب يمكم من تمركم
ادوخ امن ارد احسبك من تمر كم؟؟
واحد بس اشوفك تسعميه

..................................

ممالامس الاحاسيس

ام علاوي
جميل هو احساسكي
والاجمل دائما هو حسن انتقائكي
انتي تمتلكين الحس العالي والمدرك لجمالية الكلمه
لذلك كل ما نرى ام علاوي
نرى معها الذوق والابداع
وفقكي الله
تحيه غاليه لكي
تحيه للشاعر واحساسه الرائع
تمنياتي لكم بالخير والسلامه

[الغربه]

تسلمين ام علاوي للاختيار الرااقي جدا
وصح لسانه الشاعر ابدع بالقصيده
تحيتي لكم

[* البتول *]

كلام جميل
راق لنا مالامس احساس ام علاوي
لا حرمنا احساسك العالي بجودة وجمال القصيدة
لك من الاعماق كل التحايا
دمت بود

[الحــر]

كلام جميل ورائع وفيه من الاحساس المرهف والمعاني ما تدق في الصميم
كما هي دائماً ام علاوي له ذوقها الرفيع في الاختيار
امتعتينا جداً بهذه اللوحة الشعرية الراقية
تقبلي تقدير وشكري لاختيارك

الحـر ,,,

[ام علاوي]

الرائع زهير العقابي .... لاتعلم مدى سعادتي وانا ارى بصمتك تنير متصفحي المتواضع \
اخي الابداع انتم اهله ومنكم نتعلم
شكرا للكلمات الرقيقه والمشاعر الصادقه
دمت ودام هذا التواصل الجميل
كن بالقرب دائما
لك بتائل من الياسمين

[ام علاوي]

الغربه .... شكرا لهذا الحضور
نورتي الموضوع عزيزتي
لاتحرميني اشراقتك الجميله
لك ودي

[ام علاوي]

البتول .... شكرا لمرورك الراقي
اسعدني ان مختاراتي قد راقت لك
لاعدمت تواصلك غاليتي
لك باقه من الجوري