قصيده الى اعضاء المنتدى

[سلام الدراجي]

اكتب ياقلم عن لمه أحلى أحباب


واكتب بالفرح كلمات تجمعنه


كلنه أبيت واحد من صدگ خوان


يجمعنه الفرات بشيعه وبسنه


امنين ابدي اسولف حاير ابدي امنين


باام فيصل عزيزة بحبهه لمتنه


لو ماجد الشاعر تاج فوك ألراس


والشاعر اسأمه أبرده فرحنه


والزير الملقب أبو ليلى الزين


والهاشم نجم بالسمة نجمتنه


لمتنه جميله والله احنه اهواي


وأحلام المحبة الحلوة جنتنه


والعراقية رنا شعلت بگلبي النار


بشعار الحزينة اهواي حزنتنه


والسوداني أخويه العايش بروحي


بردوده ألجميله بسرعة وردتنه


وفاء الغالية شاعره أهل البيت


چن احنه بحديقة وهي وردتنه


ومحتارة الشعر والشعر هم احتار


يااعذب قصيده اهواي عجبتنه


وتضل رند المحبة أبردهه افرح حيل


يانبض ألگلب بيديهه نبضتنه


والمحامية التدافع عني من احتاج


(من سن ينكسر يشتكي صاحبنه)


وطبع الهادئة معروف من أزمان


بچفوف الخواطر حنة حنتنه


وشلون انتهي وما اذكر انه اهواي


مونصفي الصكر وانه اعرفه ايحبنه


شيعي انه الصرت ورد أسبل الايدين


وهو الصار سني وهاي خوتنه


إذا ما يتصل والله انه اضل محتار


وإذا انه اتصل بصوته يسعدنه


خوتنه عجيبة ودوخت الإخوان


حد الموت والله وهاي صحبتنه


الدكتور


سلام الدراجي

[محبة اسد العراق]

والله مشكور يالغالي على القصيدة الحلوة
و انشالله ردي يفرحك
و تسلم يا رب
و الله كلش حلوة
تحياتي إلك
و اسمحلي اضيف تقييم

صح لسانك حبيبي الغالي

كلمات جميله جدا تدل على صفاء قلبك وروحك وانفاسك الطيبه

الف شكر على هذه القصيده ووننتظر منك المزيد من هذا التألق والابداع



تقبلي حبي واحترامي لشخصك النبيل

[ام فيصل]

ايهــار الرائــع
ياصــاحب الإحساس الجميل والروح الحلوة
أجمل كلمات نثرتها بحب ووفاء
واجمل احساس تخلل سطور الفارس
معلمي -- دمت لنا ولهذا المنتدى الذي يرقى ويسعد بهذه اللمة الجميلة من الخوان
فكلنا للفرات -- والفرات للكل
دمت عزيزي ولاحرمنا هذه المشاعر الصادقة
القصيدة تستحق التثبيت ---------------- شكرا لك يبو حيدر

[هاشم نجم]

صح لسانك حبيبي الغالي

كلمات جميله جدا تدل على صفاء قلبك وروحك وانفاسك الطيبه

الف شكر على هذه القصيده ووننتظر منك المزيد من هذا التألق والابداع

تقبل تحياتي ابو حيدر

[لبوة]

والدي الغالي قصيده جميلة الكلمات
عميقة المعنى
محبه ما بعدها محبة تحمل تلك الكلمات
رائع ما كتبت هنا
تقبل مروري
ابنتك لباب

[سلام الدراجي]

الاخ ماجد الشاعر لمرورك الكريم وقع خاص في قلبي بارك الله بك وشكرا لك

[ابو علي الصكر]

وشلون انتهي وما اذكر انه اهواي


مونصفي الصكر وانه اعرفه ايحبنه


شيعي انه الصرت ورد أسبل الايدين


وهو الصار سني وهاي خوتنه


إذا ما يتصل والله انه اضل محتار


وإذا انه اتصل بصوته يسعدنه


خوتنه عجيبة ودوخت الإخوان


حد الموت والله وهاي صحبتنه000
|||||||||||||||||||||||||||||||||||||||||||||||||| |||||||||||

وأجهل أن اضيف كلمة ...

لا أجد ما اقول .. حيال هذه الكلمات الروحية الوجدانية
لكني اقول لك ان صداقتنا ومحبتنا ابعد من ذلك واكثر فانت الاخ الصديق!!!!!!!

وكل الاعضاء هم اصدقائنا000

ابو حيدر اني اصمت هنا لان الصمت في المحراب عباده0000

اخوك ابو علي الصكر