011 اليغفه بحضن ولفه يطفي نار

[الشايب العراقي]

اليغفه بحضن ولفه يطفي نار الــــتشوك
وعلى عرش الغرام اتســـــــــــيد بوحدة

لكن يحـــــــترك بالـــذلة كلب اليســــف
اذا وكت الشــــــــــدد نام بحضن غمدة

ترفة البوسة كـــــلش واترف من الـماي
علخد عاشك اذا حــــــــــــباه مــن ودة

ومــــــحرومة السيوف من الترف والبوس
وذا لكـــــــــــــــن بعضهن بوسهن شدة

وجه الــــسيف اذا يعطش لبوسة شوك
طبرات الــــــــــسيوف اتشوفهة بخدة

مو ذنبة الذبح لتكلي ذنــــــــب السـيف
اسئل قبضتة من شالهـة بـيــــــــــــــدة

تكلـك لو بـودي مــــــــــا اوزع مـــــــــوت
لكن ارغموني علل ذبــــــتح عـــــــمـدة

بــــــــودي انكلب وردة وكــلهة ابن شداد
لذالــــــــك شبح موت اتشوفني الوردة

وصوتي يترجمو للحرب لـجــــــــل الموت
ماعرفو بصوتي شراد وشــــــــــــقصدة

بــــــــــملاكه السيوف اتكــول رن احجول
وهلهـــــولة معـــــــــــاضد بيـد متـحدة

بـــــــقـوت جــــــــــاذبيـة شـوك يتحـدون
أي اثـنـين مفـتركيــــــــن مـــــــــــن مدة

لكـن بـعد غـربة ولــــــــــــــو تلم سيـفين
شبكت موت عدهم لحظتـــــــــــن وحدة

[الحب الضائع]

كلمات جميله واحساس رائع

تقبل ردودي

[الشايب العراقي]

السلام عليكم ورحمة الله وبركاته

شكرا لمروركم على موضوعي وهذا شرف لي ووسام على صدري

مشكووووووريين والله يعطيكم الف عافيه