دمعـــــــــــــة نــــــدم.....

[بلسم الروح]

سير عالجفن طيف وحلم سهران
وي نجوم صبري الليلة عديتك

الروح اشتاگتك دمعة ندم بالعين!!!
بنظرات المعاتب جيت حاجيتك

ما اگلك تعال وارجع و لتروح
تروح براحتك وبكيفي خليتك

جرح ينزف محنة ما اريدك دوم
وبخيط الهجر بهداي شليتك

عليمن جاي تعتب بيه ليش تلوم؟؟؟
جي گلك سهم وبصدري صديتك!!!

وهم حبك بنيته وصعدت سافات
وصلت لساف غدرك بيدي هديتك

خلصت العمر شجرة وتطيح اوراق
بين انتظــر جيتك بين مليتك

ومسودن عليه تگول كل الناس

من شلت الدمـــع وبعيني خليتك!!!

غمضت الجفن خايف يهملك يوم
ومثــــل لمت نده للعازة لميتك

تتبده شعجب وبكاس غيري تصير؟؟
عطش حته الجرح جي عنه ضميتك

نذرت الروح تدري لجيتك أمن اسنين
مثل خيط بأمـــام بكلبي شديتك!!!

للشاعرة الاء الربيعي

[سامي المشكور]

قصيده رائعه جدا
اختيار موفق
ننتظر القادم بشوق

[بلسم الروح]

قصيده رائعه جدا
اختيار موفق
ننتظر القادم بشوق

حياك الله يالغالي
منور اسعدني مرورك
دمت بخير
تحياتي

[امنيات ضائعة]

تتبده شعجب وبكاس غيري تصير؟؟
عطش حته الجرح جي عنه ضميتك
اختيار رائع كروعتك سيدتي