عرض للطباعة
:66 (46)::66 (46)::66 (46):
السلام عليكم اشلونكم انشاء الله بخير كلكم شلع ياربي
:66 (46)::66 (46)::66 (46):
جايبلكم مطلع من قصيدة للشاعر المبدع
((ضياء الميالي))
القصيدة:
تكلي اتركني انته اشبيك مجنون
هوه اليحب مثلك ايتركه
تكلي اتركني طلعت منك اشلون
انتقاسم بالنفس والروح شركه
امد شارع عنادي بخلصت اتهون
واوصل للنهاية والكه فلكه
وارجعلك بكلب مشتاك وعيون
وملك شاريك لوينطوني ملكه
بعدلاتكلي اتركني كون شيكون
هوه اليحب مثلك ايتركه
تحياتي
الكم
في امان الله
:4::4::4:
:66 (46)::66 (46)::66 (46):
منو عنده قصائد مكتوبه للشاعر ضياء الميالي اذا امكن يجاوبني
اليك اخي الفراتي شعر لضياء الميالي ارجو ان اكون وفقت بذلك
احضني مخدته ونامي واتركيلي دمعي يجري
وشميهه بمحبه وشوك عطره البيهه مو عطري
******
جنت راسم هواج احساس واشم بيج الهوى العطري
وجنت مصورج دنيا واعيش بدنيتج عمري
اثاريني جنت مخدوع مريض مصخن يهذري
ماادري وصدك حبيت ماحبيت ابد...
******
تكوليلي احب عطره احب عطره واحب وياه كل ذكرى
واموت بظلمته ونوره واهيم بحلوته ومره
واني اسكت ولا احجي ولااحجي لان مخنوك بالعبره
صدك غيري سكن كًلبج صدك واني طلعت بره
الف استغفرك ربي على لساني اجت.....
******
اريد اذكر اسويت وليش بهالجزه اجازيت
لان قاسمتج بروحي وبكلبي انبنالج بيت
ولان ذوبتج بدمي واشمج بالنفس ظليت
علىراسي شلت حبج بس بغدرج انذليت
بس بغدرج انذليت ....
******
يعني لحضنه تشتاكين؟؟؟ يعني بشوفته تحلمين؟؟؟
وانتي بالخيانه وياي حطيتيهه بالتسعين
******
جنت ابجي عليج دموع واشوفيني واضحكين
وجنت اتعذب كًبالج واحسج جنتي ترتاحين
شلعتي الحب من جذوره على ياحب بعد تحجين
عطر غيري تشمينه يارب كون تختنكين....
مما راق لي للشاعر المبدع ضياء الميالي
يكولون عنك مو حلو بس انت بعيوني كمر
دمك مثل لون الورد ومنكع بهيل وشكر
ياريحة اورود الصبح يالذة عيون السهر
بشفافي لميت الخمر كله ودنيت لشفتك
شو من وصل يم شفتك خمري سكر
وردت أفرش عيوني اعله طولك مكدرت
من يكدر بعينه يلم طول النهر ؟
واتعذرت .. ما أكتب بوصفك شعر
ولا أرسم لوجهك صور
هو اليشوفك هم يضل عده عقل
يكتب شعر يرسم صور ؟
وصدكني يالوحة حسن كلمن يملك مو حلو
والله ما عنده نظر
انت الهوى هذا الهوى يتمنى ماشه يصير الك
يتعلك بطرف الشعر
تتصور عليك ازعل
واسد باب القلب وأرحل
تتصور تجيني بحب واقلك روح ما أقبل
انت بكل ميانه مرخص اعله الروح تجرحها وترد اعليها تدلل
ونا معلم عليك وهاي اليه اسنين تطعني واطيح اقبالك اتوسل
ضميتك جرح بالروح ظل مجروح واتخبل اذا ينشل
هذا انت عزيز شلون متصير وعذب حتى المرار البيك ماينمل
اعذرك ..
واني أعرفك انت غلطان وأغض عيني وأقول القلب يتحمل
سجج صارن جروحي وانت ريل أدوس واقول افيش لو منهن جرح حمل
يافلاح قلبي اليشتل الطعنات حبيبي ومن شتالك باقي أتأمل
فدوه لهذا طولك يانبع ريحان عليه بهالعذاب أرجوك لاتبخل
كلمات ضياء الميالي والذي انا من عشاق كلماته الرائعة تحياتي لك
عمي انت الفراتي فقير ماحافظ شيى للميالي
اخوانك بيهم البركه؟ عذرا للمازحه
شكرا للجميع اشكر مروركم الجميل
صدك اني فقير
تحياتي الكم