كلبي ابفكد خلتي غير النحب مالفن
امال عمري انفنت صبر الكلب مالفن
للموت سكرات ويه مهجتي مالفن
واللي يذوبه العشك ما ترجع الراحله
لتلوم كلبي لون ينحب على الراحله
احباب عندي جفوني وسارت الراحله
كوطر كبل الفجر وضعونهم مالفن
@@@@@@@@@@@@@@@@
يامن علينه تمـــر ياصاحبي بسمر
وتشوف عيش الرغد عكبك صفه بسمر
يامن ابكلبي نبت حبك نبت بسمر
بهل العذل لا تمر بس ابتعد عنهم
جم محب همه احتد من شافته عينهم
عشاك هذا الوكت احجيلك انه عنهم
كلهم ابيض ابتلوا لاجن انه بسمــــر
ارجوا ان تنال اعجابكم هذه الزهيريات
منقولة من كتاب روائع الابوذية والموال
تقبلوا تحياتي
