قصه حزينه جدا مع دارميات روعه لاتفوتكم (بس علقو عالموضوع رجاءاً)
اكوفد واحد حبله بنيه وهي ها بين وبين
صارحهه بحبه لاقبلت ولا رفضت وبقه ينتضر
وعايش في امل لان جانت اصغرمنه سناًوعندما
كبرت راد يخطبهه فرفضته وكالتله انته اكبر مني وماتليق بي وفاتك قطارالشوك والحب فصُعِق واخذ يرتعش من راسه الى قدمه وردعليها قائلا؟؟؟؟؟
من صغرسنج حيف حبيتج انه
وتحملت اهات لجـــــــــــلج واهانه
ردت عليه قائله
عشت انته بالاوهام حسبالك اهواك
بيك انه ماهم دوم وتحاشـــــــه ملكاك
فرد عليها قائلا
حسبالي اتوافين لمـــــــــن تكبرين
ماادري تالي اصباج بيه تغدرين
فردت عليه قائله
جيلك قديم اهــــواي مايفتهـــــــــــــــــم شي
وهسه انه جيل البيه عالمــــــوده يمشي
رد عليها قائلا
آياحسافه اصباي ضيعته برجاج
حسبالي اتكبرين واتراهـــــــم اوياج
فردت عليه قائله
ضل عايش ابأوهام ماترهم اوياي
طفله انه ونته اجبير غمك لهل راي
وبعد مده من الزمن رآها وهي في بدلة الزفاف
فاقبل اليها يهنأها فقال لها
مبارك والف عالخيرهالليله عرسج
ياريته هذا الجيل يكـــــــــــدر يونسج
فقالت له
مرتاحه انه اوياه وهيألي كلشي
من رخصتك يفلان خلينه نمشي
فرد عليها
مبارك والله اوياج بس اذكريني
للموت ابد منساج لوتعمه عيني
وبعد مده من الزمن رآها وهي وحدها
فاقبل نحوها فرأته وقالت
منهو انته شنهو اتريد مجبل عليه
ياحجي انته غريب وانـــــــــــه اجنبيه
فقال لها
وسفه والف ياحيف ضيعتي عرفج
وج انه ذاك افلان شيبنـــــــــي حبج
فردت عليه وقالت له
عافاني البذات مــــــن كثرمالـــــــــه
اتفاركَنه من اسنين كلمن ابحاله
فرد عليها
موجنتي تتمنين عالموده تمشين
هاي النتيجه وهاي حوبات الاسنين
فتركها ومشى خطوات وبعدها سقط على الارض
فجاء اليه من بقربه وهي معهم تنضراليه فحركوه وجدوه قدفارق الحيات بقيت تبكي وتبكي وتصرخ بأعلى صوتها وتقول وداعا وانابأثرك فسقطت وماتت انتهى الحلم وفزيت
القصه والدارميات بقلمي ومن نسج خيالي
تحياتي وارجو ان تعجبكم (بقلمي)
رد: قصه حزينه جدا مع دارميات روعه لاتفوتكم (بس علقو عالموضوع رجاءاً)
هاي اشسويت يمعود بجيتني (الله يرحمهم)
والفاتحه.تسلم يراد انسوي فلم هذا مو حلم
تحياتي يالرحال ولمزيد من الاحلام:66 (46):
رد: قصه حزينه جدا مع دارميات روعه لاتفوتكم (بس علقو عالموضوع رجاءاً)
حياك يارحال ياوسع خيالك الراقي
تحياتي واحترامي لقلمك المبدع
رد: قصه حزينه جدا مع دارميات روعه لاتفوتكم (بس علقو عالموضوع رجاءاً)
هههههههههههههههه
روووووعة
تسلم ويسلم قلمك
تحياتي
رد: قصه حزينه جدا مع دارميات روعه لاتفوتكم (بس علقو عالموضوع رجاءاً)
حبيبي الرحال تسلم على هالحلم اللطيف المحزن
هذا مصيرنه خويه لاننا نكتب الاحلام ويوما سنصدقها
ولانجد المجيب فستكون نهايتنا كنهاية بطلك
سلمت يدك اخي العزيز
------------------------------------
كافي اتحلم رحال سويه يقظــــــــــــــه
كلمن نصيبه ايشوف يرظه ميرظه
رد: قصه حزينه جدا مع دارميات روعه لاتفوتكم (بس علقو عالموضوع رجاءاً)
الله عليك وعلى أحلامك رووووووعهتسلم أناملك
رد: قصه حزينه جدا مع دارميات روعه لاتفوتكم (بس علقو عالموضوع رجاءاً)
عاشت ايدك قصة جميلة جدا والله اعرف قصة مشابهة مع بعض التغير تسلم عل النظم
رد: قصه حزينه جدا مع دارميات روعه لاتفوتكم (بس علقو عالموضوع رجاءاً)
الله يرحمك على هذا الحلم ...ابداع : يخرب بيتك شو حبيتك