اهداء باقة من الابوذيات الى كل الاعضاء

الى كل من يهوى الابوذية اهدى لكم هذه الابوذيات بقلمي واتمنى ان تنال رضاكم وانا في انتظار ردودكم
مع التحية
دنيتك لا حمتك لاحمتني
ولحيم بباب شامت لاحمتني
اذا مر ليل شعرك لاحمتني
يوكف شعر كل جلد العلية

صفيت الحال مني و انتمالي
وشخصك عاف غيري وانتمالي
شلون اشتاك شخصك وانتمالي
حياتي وروحي وكليبي سوية

اجت مني التفاته وانته لفته
وفدوة الكلب لجلك وان تلفته
عدل واضح كلامي وانته لفته
اظنك ترجمت للفارسية

مثل كلبي المصايب من حملهه
توًن ضلوعي صدك من حملهه
تحامي الروح لاجن من حملهه
بجفاك الحامي متحامي علية

مع بالغ شكري لأطلاعكم

شكرا لمرورك اللطيف
ياملاك الليل

صفيت الحال مني و انتمالي
وشخصك عاف غيري وانتمالي
شلون اشتاك شخصك وانتمالي
حياتي وروحي وكليبي سوية

صح لسانك عزيزي
وعاشت ايدك على هذه الباقة الجميلة
والإحساس الجميل
وشكرا لك ولمدادك الرائع
مع تحياتي لسيد علي