بعيونك شفت أروع شعر مكتوب
وادموعك تصفك لمن أقراهن
أول ماتروح أبعيد عن العين
اصد العين كلبي وبيها الكاهن
أنساهن شلون وأنت بيهن شوك
انسه ارويحتي وما لحضه أنساهن
مو كتلي احبك وأضل وياي
بادلني بمحبتك لاتضل سكته
عمري ألفات كلّه وكل طيور الشوك
لجلك ياعزيز الروح مو عفته
أني ادري الكمر من شاف وجهك شاع
منّك خجل منّك وأنت صّفنته
واني ادري العكل مادوّخته الناس
بس أنت بمحبتك حيل دّوخته
واني ادري الكلب قيس انكلب هاليوم
وليلى أنت صرت مو حكّه جننته
من ساماك غيري أبين كل الناس
كلت انه أشتريك وعمري رخّصته
بعت الروح لجلك ياعزيز الروح
بس حبّك شفتني شلون مابعته
بكدما ساهرت ليلي وأنوح عليك
حتى أليل يبجي وياي سهّرته
أحجي ولا تضل ساكت يماي العين
مو شعري الاكتبه عليك خجّلته
كدّرت العمر وسنينه شفته يلوك
ولاك عليك جيف عليك فصّلته
اجمل ما تصفحت
تحيتي
همسة ولاء
