الشاعر عبد الكريم محمد حسونالخشالي
عتاب
وحك روحج ترى روحي تحن عليج * خلاها غرامج دوم محتــــــارة
عذبني غرامج سهراني الليــــــــــل * لحد طكة الفجر وعيوني نطارة
افكر بيج اريد اعرف شنو يرضيج * يا اصعب لغز ما اعرف اسرارة
شما طال الزمن ابقى انه متانيج * اصبر والصبر محمودة أثاره
يا فرحة كليبي الدورته سنين * ربيع وبيج عمري تفتح ازهاره
يالهجرك كتلني وعذباني سنين * يالغيمة وصالج ماهي مطارة
دبطل هاهجر وارحم كلب مسكين * ما شاف الفرح من فاركت داره
أريدك صدك أنة وانت تبعد ليش * جا كلبك دكلي منين مختاره
مو كلبي يرف لو مر علي طاريك * وأنت ولا يهمك كلبك حجارة
خلاني غرامج بس افكر بيج * يمن فدوه الج سويلي فد جاره
مو عمري خلص والصبر يكتل حيل * وموكد نار هجرك تستعر ناره
جا يمته تجي ودك على الباب * وشوفن هذا منك صعب تختاره
ولو انت تجي تحلالي كل دنياي * وخلي الفرح يعمي الحزن طشاره
يبو عيون الوسيعه ورمش مثل السيف * وسيوف الرمش يا ناس بتاره
يمن فدوه الك موتني بيهن حيل * وخلي سهام عينك علي تتباره
ما اريد الحياة وانت ما موجود * جا يمتة تصير لكلبي خطاره
الشاعر
عبد الكريم الخشالي
26/10/2011
رد: الشاعر عبد الكريم محمد حسونالخشالي
جميل ما نقلت يداك ولطيف ما اخترت تقبل مروري وخالص الامنيات