السلام عليكم ورحمة الله وبركاته
لديه قصيده متاثره بها كثيرا واتمنى ان تنال اعجابكم وبعنوان وصلت للعظم
وصلت للعظم ويه الارهابيين * وتمادوا وانه ساكت علتمادي
لان ندري المشاكل تخدم اسرائيل * لذالك ماردت اعلن جهادي
وادري الطائفيه ايريدهه الموساد *حتى ايثبت امريكا ابلادي
وانه ويه المصايب مابديت اليوم * ولا توه الحزن وياي بادي
عرفت انه الحزن لمن سمعت احسين * الا من ناصر واكف ينادي
وانه الثوب الاسود مانزعته بيوم * حتى بهل المصيبه البس سوادي
العرش اعلن حداد عليك يامولاي * كبل لا انه اعلنلك حدادي
لان ردت علي نفس السلالات * وابن ملجم رجع نفسه لمرادي
اجه يقبض علي بس مالكاه موجود * طللع حقده كله بعلي الهادي
جيتم اطلبونه بثار الوليد وثار مرحب وابن ود العامري
وهذا عار اجدادكم ياالمجرمين ماتغسلونه بذبح كل جعفري
لان بالتاريخ ثابت بالدليل لازم اتذبحون حتى الطبري
وامس في سامره هدمتو القبور* نعم هدمتوا البناء الضاهري
لجن هاي اكلوبنه تهدموهه بيش * وبيهه الف كبه انبنت للعسكري
وامس في سامره من شفت الضريح* وركزت بيه حيل من شفته انهدم
شفت بعيون رمح وسط الضريح* وشفت راس احسين عل كبه انرسم
انتوا اهل البيت مو كبه وتطيح * انتوا نور من الظمائر والذمم
لمن سورة اقرا نزلت على الرسول * انتوا ذليتوا الحروف على القلم
وياعراق وانته شامخ ياعراق * لان شايل كربلا بيدك علم
وامس كتبتوا لا على اسم الضالمين* الاء كامت بسمك وكتبت نعم
لان شايل هويتك ياعلي الكرار* يعتبروني شيعي وذبحي واجب
السيف الشطر راسك على المحراب * ردوا ايذبحونه بيه النواصب
منله بلايه رحمه وكلنه مطلوبين * ومنهم ياعلي شفنه العجايب
المفخخ من يفجر مايميز بين هايه طفله هنانه وذاك شايب
ولهذا تلاحظ من يفجرون تلكه عكال واكع عل كصايب
وتلكه هنا كتب وهنانه دسته اقلام وجنطه على الرصيف ويمهه طالب
حاظر بالمقابر سجله الموت * بس المدرسه مسجلته غايب
واحنه على المصايب مو جديدين * تدور اوجوهنه اتشوف المصايب
يعرفنه الحزن عرفت معاميل * وعلى اكصتنه شكثر لوعات كاتب
تربينه وكبرنه بحظن عاشور* وفطمتنه المواكب علمواكب
طفلنه بطن امه يشيب من الظيم * ومن اتجيبه امه اتجيبه شايب
وعلينه الموت يركض هاي الايام * مثل ركض السياسي علمناصب
اذا هذا الوطن قررنه نبنيه * ****** لازم مو فقط نبني المعايب
لازم كبل لا نبنب الحياطين * نبنبي اكلوبنه الصارت خرايب
نبني اكلوبنه الصارت خرايب
مع تمنياتي لكل عراقي شريف النصر في الدين والدنيا انه سميع الدعاء واتمنى ان تعجبكم القصيده ولا تردون يعني مو مشكله
لالالالالالالالالالالالالا اتمازح ولاتحرمونه من ردودكم الطيبه لانها مهمه جدا لي
ملطوشششششششششششش
