مغازل دلخ

وانا في عز النووم والسعابيل والا فجــأه .. رن التلفون ..
وطبعا تلفوننا شايل ابوي منه كل
الارقام .. مو‎ ‎بمخلي الا رقمين التسعه والثمانيه .. يعني مالك الا تدق على
الشرطه وإلا الدفاع المدنـي وغيره مافيه ... المهم اني رفعت السماعه واقول نعم
.. الا وذاك الصوووت اللي يررد الروح .. صوت بنت .. واخوكم اذا سمع
صوت بنت اوجعه بطنــه وانواع الاسهال ... وقالت الووو
.. انا مااعاد عرررفت وش اقول انشلت براطمي وطلعت كني
ياسر عرفات .. ال ال ال ال لووووو .. قالت .. مين معاي ..؟؟
قلت .. معاك انا .. (( صراحه جواب يدل على ذكائك ..!! ))
وهي اللي تضحك .. وانا قلبي احسه موب طبيعي قـالبها
سامري وتستنزل عندي الكبد والبنكرياس
انواع الربكه .. وقاالت لي .. سوسو موجووده ..؟؟ قلت لها ..
ما ينفع طـوطـو ..؟؟ قالت _مين طـوطـو ..؟؟ .. قلت ..
هذا اسـم الدلـع حـق الطاووس اللي هـو انا .
. !! وضحكت للمرره الثانيه على التوالي .. وقالت .. يؤ يؤ ..
شكلي غلطانه .. طيب آسفــه ... قلت لها .. لاعادي.. لاشكــر على واجب .
. (( دايم اسمع هالكلمه .. وجالس احتري الفرصه اني اقولها ..!! )) ..
وقفلت السماعه ... :
تصدقون .. ماادري وش صار فيني .. حسيت بشعقريــره في جسمــي ..
وان افرازات الخشـم عندي زادت .. وان ودي ارووح _انبطــح في الحوش _
واكتب قصيـده هجائيه .. لاايكون هـذا هــو الحـب اللي يقولون ..
(( نعن ابو الحب اللي تعرفه يالضفــدع ))..!! :عاد انا ماني متعود على
البنات .. لان ما شاالله بيتنا فيـه خـمـسـطـعـشـر رجال اللي هم انا
واخواني وابوي وامــي .. ( الله يخلف على ابوك واميمتك هذا وانت اكبر اخوانك عليه العوض ومنه العوض: ))
المهم .. يعني انا واخواني ماشفنا بنت ابــد .. وهذا اللي سبب لنا عقــده
تسمــى العقـده _الفيسلووجيـه .. (( من وين جت ذي ..!! ))
المهــم .. انـي قررت انــي اتعرف على بنات ... بس فيــه مشكلــه وحـــده
اللي هـي انـي ماعنــدي اسلوب ابــد ...(( يعنـي وقفـت على الاسلوب ..
نعن ابوك انت عندك الف مشكلـه مو مشكله بس .. واهمها مشكلــة
وجهـــك اللي كنـه لووحة انتبه امامك نقـطة تفتيـش ..!! )) الوكاد اني
مالقيت قدامي الا واحد مـن العيال اسمه عبدوش .. معروف
ان البنات ما يعوقون معـاه .. وانا اللي اللقـط مفتاح سيارتي واروح
لــه الوكاد .. انــي رحــت لعبدوش .. وعلمتــه بوضعـي وان امنيتــي في
الحياة اتعرف على بنـت قبل ما اموت .. ((اخس‎ ‎يالشايب..!! )::
فقال لي .. السالفه بسيطــه .. اذا بغيـت البنـت تحبــك حسـسـها انها
احسـن وحــده فـي العالم ... قلت لـه .. يعنـي كيــف .. يعنـي
.. يعنـي كيــف .. يعنـي اقولها انتـي احســن مـن مرادونا ...!! وهو اللي يرفسنـي برجلــه فـي بطنــي .. وقال لي .. انت ثور .. وش دخل
مرادونا يالغبـي .. !! انا قــصدي انـك تحسسها بانوثتها وان مافيه
بنت غيرها في العالم .. قلـت لـه .. برررضه
ماافهمـت .. يعني تبينـي اذبـح كل البنات واخليها لحالها ...!! وهــو اللي يموه علـي برجلـه ويمحطنــي بيــده علـى جبهتـــي ..... وقال لي ..
شووف انت حمار .. وماراح تفهـم الا بالدروس العمليــه ... ويطلــع جواله ويــدق .
. وقال لي .. شووف انا هاللحين باكلـم وحــده..
. وتعلــم .. قلت لـه .. طيـــب ...
وكلم .. وقال .. هلا حياتي هلاا عمـري هلا روحي ..
انااا لــؤي حبيبـك ومجنونك .. (( الحمدلله على العقل .. نعن ابوك وين لؤي معــه .
. والله لو اشوف وجهـه في احســن الاحوال بعــد ما اعطيــه غيـر اسم جعـفــر ..
قال ايش قال لـؤي ..!! )) .. : وقام يقول لها .. احبــك واموت فيــك ..
اناا بدونك مثــل البيـت بدون حاره .. مثل التلفون بـدون حراره ..
مثل السواق بدون سياره .. انا البنـزين وانتــي الشراره ..
انا الشارع وانتي الاناره
..انا الرومانسيـه وانتـي الاثاره
اناا مبنى التجاره العالمي وانتـي الطياره
... (( قســم بالله اني بغيـت اضمــه وابووسه يووم سمعـت كلامه ..
حسيت بشعووور غريب .. نعن ابليسه لو يكلم جداار كااان ذاااب ))
المهم .. انه خلـص المكاالمـه .. والتفـت لي .. وقاال لي .. يالله دوورك ..
باعطيـك رقـم بنــت وكلمهااا .. وقوول لهاا نفــس كلاامي ...
قلـت لـه بكـل خجـل .. طيـب .. وهووو اللي يــدق علــى بنــت ويعطينـــي
الجواال عشاان اكلمهااا ... وانااا اللي اقوول الووووو .. ويووم سمعــت
صوووتهاا ضااعت علووومي .. ونسيـت كل الكلاااام .. وقلت لهااا ..
بابا فيـــن ..!! ومااا حسـيت الاااا بذيـك الجزمـه اللي لااازقـه في مقفاااي ...
وقاال لي .. قـوووول نفس الكلاام اللي قلتـه يالثوووور ... واناا اللي اقووول لهـااا
... هلاا حيااتي هلااا رووحي هلاا تعااالي .. وقالت .. طيب وبعــدين ... قلت لهااا .
. انااا بدوونك مثـل الكيبووورد بدوون فاااره .. مثل التقااطع بدووون اشاااره ..
مثـل الحمااار بدووون حماااره ... مثل السلطـه بدووون خياااره .. انااا
محترررف وانتـي نظااام الإعاااره ... انااا الولاااعه وانتـي السجاااره ...
انااا الددســن وانتـي الغماااره ... انااا الصرصووور وانتـي البياااره ...
اناااا طوووط طوووط طوووط طوووط ... قفلـت الخـط في وجهــي ....
قاال عبدووووش .. وش فيــك ؟؟ .. قلـت لـه .. لاا ابــد الخــط مشغوووول ...!!
(( ماايعررف يصررف ابــــد ..!! )) ومااادريت الاا وعبدووش مطلــع لووح فيه
مساامير ودبجنــي فيــه اللين قلــت للعنــز ياخاااله ...:
المهـم .. اني رجعــت للبيـت ودماااني تصـب ومااليه وجهـي من كثر الطق
اللـي جاااني مـن عبدووش00
لدررجة ان اللي يشووفني ماا يعررفني .. طاالع كنـي مسااابقـة ..
مـن صااحب هــذه الصوووره .. اللي يحطوونها في المجلااات ...
واناا اللي ادخـل البيــت بشووويش عشاان مايشووفني احــد ..
واطلـع غررفتي واسكــر الباااب واناااام ... وفـي عــز النوووم ..
دق جررس التلفووون .. واررفع السماااعه .. الا هـي نفـس البنــت
اللي كلمتنـي اول مررره .. قلـت .. نعــم .. قاالت .. سوسو موجوووده ..؟؟
قلـت لهـا .. شووفي .. بيتنااا كلــه شبااب .. وماافيه احـد يبدا اسمـه
بحررف السيــن .. انا واخوااني كلناا اسمنااا خاالد .. وماا فيه الا
اخووي الصغيــر فهــد هو اللي اسمــه نااايف ونناااديه عبدالرحمـن ....
(( وش عنــده عادل امام..!! )) والبنــت كرررتها ضحكــه .. وقاالت
ما شاالله دمـك خفيــف ... (هي تحسبني استهبل مادرت اني دلخ من جد ))
وقلــت لهااا .. شكــرا .. (( مسووي مؤدب ..!! ))
وسـألتنـي البنــت .. وش تسووي هاللحيــن ..؟؟ .. قلت لهاا .. والله كنـت نااايم
... قااالت .. يؤ يؤ تناام في الليل انــت ..!! .. قلت .. اجــل متـــى انااام ..؟؟
قااالت .. لاااا انااا اناااام في النهااار واسهرر في الليـل ... قلـت لهاا ..
ليـش الاخـــت بووومـه ..!! قاالت .. لاا بس الليل وقـت الروماانسيه ..
انت تعررف الروماانسيه ..؟؟ قلت لهااا .. لاوالله ماا اعررف بناات
انااا ...!! (( مسووي فيهاا فاااهم ..!! )) ..........الجزء الثاني..........الخ

هههههههههههههههههههههه

الصراحة قصة جميلة الله يعينك على روحك عزيزي تكسر الخاطر

عاشت ايدك واحنه بانتظار الجزء الثاني

الله يعيني على التحمل والصبر هههههههههههههههههه

تحياتي لك