نسيانك صعب//نص غنائي....مع تحياتي
نسيانك صعب...والأصعب التغيير
حِسَن نية وعذب...تايه مع التفكير
حلو بمعنى الحلاوة
ترف تنبض طراوة
تغني بوجنتك كل العصافير
نسيانك صعب والأصعب التغيير
*****
ما تعرف كذب وعيونك أتفضحك
ويبين عليك الخجل من تضحك
بديت افهم كلامك
وأعرفك من سلامك
لتفكر حبيبي وابد لتحير
نسيانك صعب والأصعب التغيير
*****
لتصدك نسيتك يا اعز الناس
ولا الغربة حبيبي أتغير الإحساس
بعدني بكل وفائي
وسبب حبك بقائي
عايش غربتي بس عالتصاوير
نسيانك صعب والأصعب التغيير
*****
تحملت الغرب لجلك ينور العين
لوما صورتك جا كَلبي صار اثنين
غربة وسهر وأحزان
ما مرت على إنسان
كل يوم بسنة نكَضي المشاوير
نسيانك صعب والأصعب التغيير
*****
تعبني السفر كَلي شوكت ارتاح؟
أريد اغفة أعلة صدرك وآنسة كل الراح
يابيت المواويل
بعد ماعندي ظل حيل
فراني الوكت فرت النواعير
نسيانك صعب والأصعب التغيير
حِسَن نية وعذب...تايه مع التفكير
*****
مع تحياتي
الشاعر جلال البطاط
جميع الحقوق محفوظة للشاعر
غير مبروء الذمة من يقوم بالنقل دون ذكر الاسم
رد: نسيانك صعب//نص غنائي....مع تحياتي
شكرا ياسيدنا
عالغنوه الحله
ودي
رد: نسيانك صعب//نص غنائي....مع تحياتي
شكرا لك اخي المبدع جلال
مقطوعه غنائيه جميله
خالص تحياتي
رد: نسيانك صعب//نص غنائي....مع تحياتي
و كم من القليل ما يمس الجراح ويعالجها
رائع ما سطرت اخى الغالي
طرح مميز يسلمو علي الموضوع كلمات
تلامس القلب و سلمت الايادي
رد: نسيانك صعب//نص غنائي....مع تحياتي
تحملت الغرب لجلك ينور العين
لوما صورتك جا كَلبي صار اثنين
غربة وسهر وأحزان
ما مرت على إنسان
كل يوم بسنة نكَضي المشاوير
نسيانك صعب والأصعب التغيير
وتعود ايها العاشق المحب
لتتغنى بك الكلمات
وتعزف الحروف سمفونية العشق الجميل
وتعود
لتحيا السطور بروعة الاحساس ورقة المشاعر
وتطير الطيور باسرابها
معلنة
بقاء الحب وانتصاره رغم كل شئ
ياجلال
للبداع كنت العنــوان
شكرا لك ولروعة سطورك
ودمت مبدعا لاشك ,,,,,,
رد: نسيانك صعب//نص غنائي....مع تحياتي
اقتباس:
المشاركة الأصلية كتبت بواسطة طالب الناصري
شكرا ياسيدنا
عالغنوه الحله
ودي
تسلملي حبيبي ع المرور.....تحياتي الك.
رد: نسيانك صعب//نص غنائي....مع تحياتي
اقتباس:
المشاركة الأصلية كتبت بواسطة السومري71
شكرا لك اخي المبدع جلال
مقطوعه غنائيه جميله
خالص تحياتي
تحياتي الك حبيبي السومري وسلملي ع المرور والرد الجميل ياوردة.
رد: نسيانك صعب//نص غنائي....مع تحياتي
اقتباس:
المشاركة الأصلية كتبت بواسطة امير الربيعي
و كم من القليل ما يمس الجراح ويعالجها
رائع ما سطرت اخى الغالي
طرح مميز يسلمو علي الموضوع كلمات
تلامس القلب و سلمت الايادي
تسلملي حبيبي الربيعي ع المرور الكريم تحياتي الك ياوردة.
