رد: استراحة الشعر والشعراء وكل احباب الشعر الشعبي ترحب بكم احبتي
السلام عليكم
وكل عام وانتي بالف خير عزيزتي طيوبه
وعاشت اناملك لتلك الفكرة الرائعه والمميزة واتمنى التفاعل من الجميع
وان شاء التواصل الدائم
ربي يوفقك
تحياتي
رد: استراحة الشعر والشعراء وكل احباب الشعر الشعبي ترحب بكم احبتي
مثل طول الليالي عندي اجروح
واشك الليل اطول من جروحي
لان الليل حده الصبح ويروح
وانا جروحي عمر ضلت بروحي
م\ن
كل الي اقدمة الكم منقول
رد: استراحة الشعر والشعراء وكل احباب الشعر الشعبي ترحب بكم احبتي
راح ادخل حرب صبرك بدون سلاح
واشمت بيـك كل ألما يگـدرونك
وأجبرك تنسحب متعذب ومكسور
واشلع ضحكتك من لمعة سنونك
شكرا حلومة
ويارب يتواجد جميع الاعضاء
منقول او غير منقول المهم جميل الشعر نلكاه اهنا
انريد روح الحب والتفاؤل وكل شي جميل
رد: استراحة الشعر والشعراء وكل احباب الشعر الشعبي ترحب بكم احبتي
اصبغنه ويرد واصبغ واغطيه
ويرجلي واصبغه الشيب ويعود
مثل لزگه لزگلي اتحيرت بيه
ماخلا علي فرهدني فرهود
العمر مهما احرصت للزمن تاليه
وليبوگه الزمن ماضنه مردود
رد: استراحة الشعر والشعراء وكل احباب الشعر الشعبي ترحب بكم احبتي
مولاي سيف الفرج للرادلك يردله
من حيث عودي الذبل لابد اصل يردله
وبغربه حظي الركس هدت شهم يردله
من سال جفني ابغرب گال الدمع يمعه الي
لن يدري عمري انگضه وماظن بگت يمعه الي
معقوله اموت ابغرب مااندفن يم علـــــــــــــــي
وگليبي بارض النجف يقنع لون يردله
رد: استراحة الشعر والشعراء وكل احباب الشعر الشعبي ترحب بكم احبتي
الله يا الغالية ازهيري روعة صح السان الشاعر
وشكرا لهذا التواجد
رد: استراحة الشعر والشعراء وكل احباب الشعر الشعبي ترحب بكم احبتي
خلص حياته الفجر
يتعنه درب النور
يوصل لنقطة صفر
ويرجع يرد يدور
انسان يترك اثر
ونسان ما مذكور
وملوك صارت عبر
وملوك ماكو اگبور
واوطان ضلت اثر
واوطان بس السور
يا بشر رده القدر
ويا بشر ضل معمور
المن تعلي الحجر
والمن تشيد قصور
محلاه بيت الشعر
ومحلاها طين الدور
رد: استراحة الشعر والشعراء وكل احباب الشعر الشعبي ترحب بكم احبتي
العواصف لو قست ماتقلع الشوك
العالي من الورد ينصاب ويطيح
اخافن ياورد من طحت شموك
وخذوا عفت صلاتك والتسابيح
اضنهم ياورد من طحت داسوك
واظن باخر نفس لغصانك تصيح
اجيتك وشلكيتك غصن كسروك
ومن كسره يتلولح كالمراجيح
كل خد بكتر ياورد ذبوك
وخفوا دم البغصنك والتجاريح
تجي وياهم تايد الحكم رادوك
وصبرت وماخذوا منك تصاريح
بعواصفهم غدر ياورد زاحوك
ولولاه العاصفه ادريك متزيح
كل ضنهم متت وبسرعه دفنوك
نسوا غصن الورد لومات بيه ريح
تضل شاخص ولو مجهول خلوك
يلوح علئ البعد ضي المصابيح