موال ورد "احمد الشويلي"

بسم الله الرحمن الرحيم
السلام عليكم

عدت اليكم اعزائي وبلون جديد من الوان الشعر الشعبي العراقي وهو الموال ابيات من الموال من كتاباتي المتواضعة اضعها بين يديكم على امل ان تنال اعجابكم


حبيتك امن الصغر وعشكتك انه يا ورد
وعارضت كل من عرض مابطليتك ورد
وهجرت روحي الك ماهجرك انه ورد


علمت روحي الغرب وانت معي موغرب
والضوة منك طلع انت شرق مو غرب
كلبي نشدني المسة قرص الشمس مو غرب


منين هذا الضوة من ياترى منزلة
كتلك حبيبي يشع المنزلتة بس منزلة
جدمنة ياكلبي لا من دربهة منزلة

جنبهة ابقة عمر من حبهة ما امل
والكلبي بحبهة كل خير انه امأمل
شفت الشهد بيهة انه وكلبي حصد ماامل

طعمهة ضكته وفة وحبهة ضكته شهد
وحبهة سكن بالكلب الله عليه شهد
بعشكهة مسبي انه شفزع بعد و شهد

طحت بقفصهة وصرت ملكا لها مولي
معروق طبعي اسد بحبهة صرت مولي
بس ماامل منهة درب الغدر مولي


ابقة احبهة عمر وبرسمهة اصفن
والعكرن وخبطن بيهة اصرخ اصفن
لو بيدي اذبن جرش وياهة انه و اصفن

ويبقة عشكنه ورد ان دبر والله ان ورد

علمت روحي الغرب وانت معي موغرب
والضوة منك طلع انت شرق مو غرب
كلبي نشدني المسة قرص الشمس مو غرب
.................................................. ....
الله الله
ما اجمل ماجاد به قلمك الكريم من مواويل كنا بحاجة لسماعها..
خصوصا" وقد اهتم اخوننا بالدارمي والابوذية دون غيره من اصول شعرنا الشعبي..
بوركت اخي الغالي..اتمنى لك التواصل.

تسلم اخي العزيز
ابيات رائعه
تحياتي

زنجيل ازهيري رائع foraten.net/?foraten.net/?foraten.net/?foraten.net/? الشويلي بارك الله بيك احسنت واجدت بوركت

مواويل رائعة

احترت أياً منها أختار


شكرا لقلمكم المميز

ننتظر جديدكم

حبيتك امن الصغر وعشكتك انه يا ورد
وعارضت كل من عرض مابطليتك ورد
وهجرت روحي الك ماهجرك انه ورد

ابداع جميل


عاشت ايدك


تحياتي

سلمت يمينك اخي foraten.net/?foraten.net/?foraten.net/?foraten.net/?
مزيدا من التميز والابداع
تحياتي
ام علاوي مرت من هنا

السلام عليكم
شكرا لكم اعزائي على مروركم بموضوعي المتواضع
foraten.net/?foraten.net/?foraten.net/?foraten.net/? الشويلي