الا من ناصر لو صاح ابو السجاد .... بقلم الشاعر احمد رفيش

جذب من كال تتعنه المنية حسين ..... وفرش ديوان جفة الموت يم كبرة
الوعد هو البقاء الخلد انه الدين ..... ابو السجاد قرءان الخلق صدرة
ارجعك للطفوف وكلي انت شلون .... ضل دين الجليل اليومك بعطرة
صح دمه وكع بس ما لمسها الكاع ..... دمة الكون كله بغايته يطهرة
اذن بالحك علينه انهل دمعنه عيون .... ونلطم لو جفوف البينه متبترة
امام الكل جرح نحرة وتلة الايات .... ومؤتم كل سهم يم راسة من يقرة
جادة الطفوف انفرشت بكل شوك .... من دمة وسجد بي كل جرح صبرة
مال الكون كله بطيحة العباس ..... ومال حسين بس كام وعدل ظهرة
الا من ناصر من صاح ابو السجاد ..... كون البالرحم هم يطلع ينصرة
وجفوف المنية اترددت من طاح ..... وتصيح الغوث كامت تصرخ الغبرة
انتفض بي كل جرح شال العلم وياه ..... وثبت كل خلية وبيها جم ذرة
كصد دم النصر واتعنه عرش الله ..... خط حسين فوزة بدمعة الزهرة
وحوة القرءان كلة بدينه والايات ..... تندب ياحسين وتتلي واتبشرة
سبكها بكل يقين وفاز ابو الاحرار ..... شال الدين كله والعلم نحرة


@@@@@@@@@@
خادم اهل البيت عليهم السلام
foraten.net/?foraten.net/?foraten.net/?foraten.net/? رفيش

احسنت وسلمت اناملك .