طعم سكر ...............بقلمي
كل هذا الجمال وظام روحك ليش
خايف من حسد لو أنته تتكبر
خلينه نشوفك خير جيتك خير
لو مرة أضوكك أضمن الكوثر
تعال أشلون بيه بغير وجهك موت
كل لحظة أشتهيك وأعرك وأخدر
وسولفلك عليه بلا وعي أتلكاك
أكضك طيف وأشهك للسمه وأشغر
يكلك عافية وجناتك القداح
ورطوبة أشفافك ثق طعم سكر
تنسم روحي من تمر ودوخن بيك
والعن كل صحوتي ومن تصد أسكر
وأفرفح للسمه لو تضحك وي الغير
غير أكلب الدنيا وأعلن المحشر
يريت وريت بالك يصفه مرة وياي
ومتخلي اليحبك بين عت وجر
موكلبي طفل ما رهم ألا عليك
يعني انته الدلول العليها افتر
وانت الشوك انت ولهفتي وطرواي
وانت الشاف نورك هلل وكبر
وانت انت حبيبي ومايهمني الناس
شنهو الناس غير انت المهم وياك بس أسهر
ياكرصة برد رجفه بجسد تعبان
أحضني أعله طولك لو دفو الحدر
وأعلكني شمع من جدمي حد ماوين
وخليني بعبرتك شهكة تتكسر
بس احسب اشوفك بالاسبوع اسبوع
وكل اللحظة الاشوفك أشتم المنحر
الشاعر
يحيى الحميداوي
25-3-2011
رد: طعم سكر ...............بقلمي
رد: طعم سكر ...............بقلمي
الاخ يونس الجبوري
شكرا لحضورك البهي
تحياتي
رد: طعم سكر ...............بقلمي
وأفرفح للسمه لو تضحك وي الغير
غير أكلب الدنيا وأعلن المحشر
يريت وريت بالك يصفه مرة وياي
ومتخلي اليحبك بين عت وجر
حرفك ايها الشاعر المبدع اخذني بعيدا حيث واحات العشق الطاهر
سافر بي الي حيث تعتمر العاطفة الحقيقية
متمكن انت من الكلمة ومن اللحن
دمت بالف الف خير
رد: طعم سكر ...............بقلمي
وانت الشوك ولهفتى وطرواى
وانت الشاف نورك هلل وكبر
وانت ايها اليحيى
الشاف قلمى حرفك تعذر
واتوارى كل الكلام
والحرف منى تعثر
شاعرنا القدير
واحتك الغناء يمتد
شذى عطرها بالأجواء
يسعد كل الحضور
وفى انتظار ريح أخرى
تهب بأريجها
دمت بكل الود
رد: طعم سكر ...............بقلمي
الله كلمات رائعة وذات معنى جميل ووصف اكثر من رائع تحياتي لقلمك المبدع مع كل الود
رد: طعم سكر ...............بقلمي
الله يا جميل........
سحرا بصورة ادب جميل ....
فانتشر ابداع م يدك يا يحيى الرائع.....
تحيتي لك...
رد: طعم سكر ...............بقلمي
الشاعر الجميل والرقيق
السبتي
شكرا لمرورك وحرفك الذهبي
تحياتي