{الصبح فزيت}
....
الصبح فزيت...
وانا بذكر العراق
أثاريني بحلم
والليل ع البوب
أكَلّب ذكريات..
أبين الاوراق
لكَيت أحلام..
بيها معلكَه اكَلوب
ولكَيت أكَلوب
بيها معلكَه أشواق
ولكَيت أسمي...
وأسم وياه مشطوب
وبقايا احروف...
ظلت بين الاعماق
حاولت آنا أعرفه..
يجوز محبوب
أثاريها الحروف....
آثار عشاق
بس أسمي لكَيته..
ألوحده مكتوب
وشمس أحروف ..
ميت بيها الاشراق
الصبح فزيت...
وآنا بذكر العراق
.....
كلمات
ناصر اسماعيل الموزاني
