قصيده اربعينيه من ديوان في حب الحسين //خالد محمد مهدي الحجار
بهظم والم ردت المهظوم
*****************
ردت ام الحزن والدمعـــــه عبر**وحمل فوك إمتونها يهد الظهر
راحت ورجعت بدروب الخطر**دمعه دمعه من تصب مالومــه
****************
نمشي وياها عله آثار الجــــــدم **من المصايب حيلها ندري انهدم
وياها خلي نواسي دمعات الألم **محني ظهر ام الحزن مهومه
***************
خطوه خطوه نوصل الارض الطفوف **نزور كبر حسين بالدمعه نطوف
عالشريعه انروح يم راع الجفــــــــــوف**نســــــــــأله عـــن العمد وعلومه
**************
وصلــت بياحال طفها ام الحزن **تلطم على الراس تنوح وتون
تكله عمه وين اخويه منــدفـــــن**سمع بيها ردت المهضومــــه
***************
المواسي الها بالغربه الصبــر**غصب عنها صار بالطف الهجر
تكله يابو اليمه المصايب تمر**والاشد منك صـــــرت محرومه
****************
جمل عدها شايله بين الضلـــــوع** شلون تصبر على اطفاله التلوع
من عله كبر جعت يوم الرجـوع**من ثدايـــــــــــــه النايبه مفطومه
****************
تكله خوي الك اشكي مصيبتي**والله حال الضيم حال بغربتي
آه يا مذبوح زادت علتـــــــي **الدمعتي يبجي الكمر وانجومه
**************
تريد تحجي وياه عن كل الصاب**موقصده ويّ ابو الضيم العتاب
تكله راح الاكبر وزيـــن الشباب**خيمته اضلمّت وشمعه اطفوهه
**************
غاب عني الحمه ظعني من الخطر** ومن يبـــاريني برحلتي والسفر
راح ابو فاضل العباس الكـــــــمر **الوفه بطبعه وغيرته من يومــه
**************
تشكي حال اليسر من شتموها**وعالمتن بالسوط من ضربوها
حتى من البجي هم منوعــــها**جروح ماطابت تضل مالومه
