ألمخبـــــــــــــــل

من يوگع بنادم ينهظم لو شاف
بي عمه ايتشمت واخوته وخاله
الزلمه امنين يصرف من يمر بالسوگ
أذا ماكو شغل والاده بطاله
من طبع اليحب الفتن بين الناس
يفرح من يسوي ابينهم گاله
ألماشي عدل كلماته ظربة سيف
والباطل أبد ما يوگف اگباله
جبان الي يبوگ ويلبس احلا ثياب
شجاع الما يبوگ ويلبس الباله
حافظ عالكرامة وأغفه ما شبعان
ولا شبعان تغفه وماكل افظاله
شرف ما عدهه ذيچ الزلت اعله فلوس
شريفه الما تزل وتاكل انخاله
المظيف امبين الرايد يجيه الظيف
على بابه ابد ما تلگي اقفاله
العشيرة الي تريد الهيبه بين الناس
من يخطء ابنهه تكون فصاله
مو شيخ اليذب اعگاله حتى يعيش
شيخ الي يموت ورافع اعگاله
أذا للدين ترجع ولرضا المعبود
الگطع وصلك أبد لا تگطع اوصاله
ألطاهر حليبه وعنده غيره وطيب
ما ينكر استاذه وينكر افظاله
ذب السيف ابد ليشيله چفك يوم
أذا شفته اعله چفك ما أجه فصاله
بركتنه انتهت بارض الوطن يا ناس
من الماي گمنه نبيعه ببطاله
الوطن عالي لچن بعد اعله والله يصير
لو مابي شباب هواي بطاله
ألمخبل صدگ معيوب بين الناس
لچن بحسين هيبه اليعلن اخباله

خادم الحسين (ع) أن شاء الله
الشاعر
احسان القريشي

الاخ احسان من زمان لم اقرا قصيده رائعه كهذه القصيده الجميله
عاشت ايدك وبارك الله بك تحياتي
د\ سلام الدراجي

حسافه هذه القصيده الرائعه لاتاخذ حصتها من الردود
اعتقد قرأتها اكثر من 10 مرات
الف تحيه لك احسان القريشي
د سلام الدراجي

بارك الله فيك وفي
انفاسك الرائعه قصيده
اقف لها بتامل عباره
عن حكم من اولها الى اخرها
دمت بود
ايها المبدع

تسلم اخ احسان قصيدة معبرة وجميلة الله يبارك بيك

ساقف هنا مصفقا تصفيقا حارا يارائع

يامبدع اخي احسان دمت بكل خير

وبارك الله فيك وصح لسانك هذا الحجي الزين يازين