مشاركة: حلاوة في قدر مزروف
اشكرك هواي لاان نزلت هالمقال والصراحه انا هالشي اثار انتباهي من زمان بس مشفت الموضوع الي خلاني اكدر اعلق واكول رائي وبما انو حضرتك نزلت هالموضوع انا اوافق كاتب المقال الرائي يعني اول شي بما انو احنه جاي نمر بالذكرى السنويه لفاجعة جسر الائمه والله يرحم شهدائنا الحكومه تحب تتبهى ويريدون بيها سمعة كدام بقية الدول مو قصدهم المساعده وقناة الفرات نفس الشي يعني كلهم نفاق ورياء كدام الناس وينهم عن الشعب العراقي وينهم عن شهداء وجرحى جسر الائمه الي لحد هسه يعانون والي نجرحو منهم معوقين ولا اكو احد من الحكومه التفت عليهم وسفرهم للخارج يعالجونهم ولا احد على الاقل انطاهم راتب شهري علمود يكدرون يتعالجون وهسه الحكومه تدز مساعدات 35 مليون دولار الى لبنان مع كل الحرب الي صارت بلبنان بس الي شافوه العراقيين شي مينوصف اصلا البنانيين مشافو شي مثل الي دا يعانونه العراقيين ولبنان شعب اله هواي دول صديقه عدها المقدره انو تساعده وتساعدهم باعادة الاعمار ليش الفلوس الي دزتها الحكومه مساعدة بيها الشعب العراقي الي يعاني ويعانون من نقص بابسط احتياجات الحياة مر العراق بهواي مجازر مشفت لبنان دزتت مساعدات ولا غيرها من الدول العربيه جان اكو قسم يكتفى انو يستنكر وقسم حتى الاستنكار ميكلف نفسه يكوله بفاجعة جسر الائمة ولا دوله عربيه قدمة مساعدات للعراق بس الامارات دزو ومساعدات كوولش بسيطه حتى متنذكر مو مثل مساعداتهم للبنان مبقت دوله عربيه مساعدتهم حتى بهيج امور العرب يسون تفرقه ليش العراقيين مو عرب مو مسلمين وانا مااكول هالشي انو انا ضد لبنان لو فد شي لا سامح الله لا بالعكس انا ويا المقاومه والسيد حسن نصر الله بس هم ناس قادرين على حل كل مشاكلهم بانفسهم وعدهم القدره وهواي دول تساعدهم بس لما الحكومه دزت هالمساعدات مفكرت بالعراقيين بس للاسف اذا حكومتنه هيج ننتظر من بقية الدول تساعدنه شلون مع الاسف والله والي اكدر اكوله انو الله يساعد العراقيين ويوفقهم ويرتاحون انشاءالله
شكرا على الموضوع
مشاركة: حلاوة في قدر مزروف
السلام عليكم ورحمة الله وبركاته
في البداية احب اشكرك اخي مضر على طرحك للموضوع الخاص بالتبرع
وأحب أكَلك شي أنه 75% من ضحاية فاجعة جسر الأئمة ما حصلوا ولو على جزء بسيط
من التبرعات التي تبرع بها العراقيين بجميع أطيافهم وأعتقد كلنا شفنا مراكز التبرع كيف كانت مقتضة بالمتبرعين
بس اريد أسال سؤال منو بيكم شاف الحكومة الموقرة المنتخبة من قبل الشعب وزعت التبرعات لذوي الشهداء
حتى نعرف مرة ثانية ألمن ننتخب وأصبعي الي حطيت بيه الحبر أذا أنتخبت بيه مرة ثانية أبترهن ثنينهن
حتي ما أنتخب مرة ثانية وأنقهر كافي كافي كافي شعبنا ميت جوع والناس مجطلة بالشوارع ما تعرفها قتلى
شهداء ومغدورين ومخطوفين والجماعة كَاضيها بالسهرات والسفرات والضحك والعربدة
والله ملينا هو صح نصرة الأخ المسلم واجبة بس أحنا منو نصرنا منو تبرع ألنا حتى الي تبرعلونا
حسبوها علينا صدقة ذولة الي لحم جتافهم من خير العراق زين فلوس النفط وينها كافي بس يبوكنون ويجرجعون لي ورة
مليناااااااااااااااااااااااااااااااااااااااااااااا ااااااااا رحمة لروح أبا عبدالله
وكونوا واثقين يا جماعة بعد ما تخلص مدة الحكومة المنتخبة اذا حكموا مرة ثانية عتبوني
مشكور كل عراقي عينة وكَلبه على بلدة
تحياتي
ابن العراق
عراقي أصيل
مشاركة: حلاوة في قدر مزروف
شكرا على المقالة الجميلة بس سياسيوا العراق اليوم خائفين على كراسيهم لا يهمهم الشعب العراقي
كانما هم مثل صدام هذا جنوب العراق هداء ولا توجد فيه اي ازمة امتية لماذا لا يتم اعمار الجنوب ومن ثم بغداد الى حين ان تستقر
لماذا بغداد ثم العراق