زنجيل ابو ذيه لموقف صديقي بقلمي
معنى الزنجيل موقف ومبين اهديه الى اعضاء منتديات الفرات
حاسبهن ليالي شتاك مرن
مر حمظل جرعت هموم مرن
تكلي انته برود اليوم امرن
امرن بعد الجرالي وصار بيه
شمرن وانته صايرلي ولاشي
مثل ذاك بعظم الولحله ولاشي
اظل صافن بو جهك جن ولاشي
صح صافن بس اكتب ابو ذيه
اكتب انه شما املك لوحلاك (الوحل)
لحلاتك بعد ماافكر لو حلاك (لو مو حلاتك )
اذكر من ابو الاوبل لوحلاك (اشرله الاشاره)
بساع انته بسدره ولافكرت بيه
حسبالك نسيت بساع هايه
همنه كبل جنه هاراح هايه (هاراح ها اجه)
واذا بالصوره دايخ هاك هايه
احط صور غراب اشرف اليه
اتمكنا ان ينال اعجابكم
رد: زنجيل ابو ذيه لموقف صديقي بقلمي
يابه والله حلوات بارك الله بيك زنجيل رائع ورمضان مبارك عليك
رد: زنجيل ابو ذيه لموقف صديقي بقلمي
مشكور اخي سلام الدراجي لمرورك الكريم وردك الجميل حياك الله
رد: زنجيل ابو ذيه لموقف صديقي بقلمي
صح لسانك يالشطري
وعاشت ايدك على هذا الزنجيل
لاحرمنا هذا الإبداع
مع تحياتي لك
وكل عام وانتم بخير
رد: زنجيل ابو ذيه لموقف صديقي بقلمي
مشكوره الاخت ام فيصل وتسلمين على الرد الجميل حياك الله
رد: زنجيل ابو ذيه لموقف صديقي بقلمي
روهع ابو حسين
وعاشت الايادي
على هذه الابيات الرائعه
تحياتي وتقديلاي لك
مع اطيب الامنيات
رد: زنجيل ابو ذيه لموقف صديقي بقلمي
مشكور اخي حيدر القريشي تسلملي حياك الله
رد: زنجيل ابو ذيه لموقف صديقي بقلمي
صح لسانك وعاشت ايدك
ننتظر جديدك
تحياتي