ابو ذيات 2010ااااااااااااالعيونكم
***********************************************
مريض وبعد ماطيبن ولبره
ولا كبسول ينفعني ولبره
علاجي بالوطن ما صح ولبره
ولا يحصل علاجي بصيدليه
************************************************
الوكت وياي ياصاحب ولك مال
وكضيت العمر لاناجح ولكمال
حتى الجان يوصلني ولك مل
كطع جيته ولا ينشد عليه
************************************************** *************
ضلمنه الوكت ما مره سعدنا
ولاصاحب البشده ... سعدنا
نسينه ذاك صاحبنه سعدنا
ونسينه ذيج جمعتنه سويه
*******************************************
تعال اسمع اخبار اليوم... بابا
وصبح عدنه الحزن مفتوح بابه
الى رحمة الباري.... عمو بابا
وملاعبنه صفت وحشه.. وخليه
****************************************
الوادم تاكل بزرعي ولافات
القسمه وصلت الحدي ولافات
قطار الفرح ما مرني ولافات
ولا حتى بحلم سير عليه
***********************************************
يصاحب من تعد طيبين عدنه
الكرم والجود والطيبات عدنه
جنه بعاد لكن هسه عدنه
تعال نعيد كعدتنه سويه
*******************************************
يدنيه دكي وغني وطبلي
ولاشفت الفرح فديوم طبلي
ادور بالعرب ملكيت طبلي
طبيبي والدوه شحو عليه
*******************************
الكلب ما هاد بس لجلك مشا هد
وصار الخاطر عيونك مشاهد
مو مشهد اصيرن لك مشاهد
واصيرن لك بطل بالمسرحيه
**************************
انه تعلمت في حبك مناهج
ولا تنشد على طبعي منا هج
لون اتريد تهجرني منا هج
وبعد للموت ماتعثر عليه
**************************
اغار عليك من عمك وخالك
ويكتلني كتل من يرن خالك
تعال وشوف بالدلال خالك
ولا تفترك عن روحي شويه
***************************
اريد ابجي الدمع لجلك وصبه
ورش الدرب لجدامك وصبه
علي لطمت نصاره وبجت صبه
وانته ولا رجف كلبك عليه
*********************************
الك مثل الكمر بالعيد... طلعه
وغرامك دوم للتهوا.... طلعه
طلعت وياي ابد موخوش طلعه
وعفتني للمرار....... وللاذيه
********************************
سلام شعجب ما تعرف جناسي
وانته بالشعر كالو جناسي
تراني ما ردت منك جناسي
ردت تشرحلي بيت الابوذيه
*************************
بدمع عيني كتبت حروف نصي
وانه بفركاك زين وباقي نصي
حسك بين هاي الناس نصي
ولتخلي الخلك تحجي عليه
*************************
الج صوره بخيالي طابع انه
وصرتيلي هويه وطابع انه
تهت ولكيت روحي طابع انه
ولكيت الكرم عدهم والحميه
*****
((ابوذيات مختارة))
رد: ابو ذيات 2010ااااااااااااالعيونكم
الله الله
حلوة يا foraten.net/?foraten.net/?foraten.net/?foraten.net/?
دومك مميز
اتمنى لك التواصل والتألق
رد: ابو ذيات 2010ااااااااااااالعيونكم
مشكور عزيزي
ابوذيات جميلة
واحساس اجمل
تحياتي لك ولهذا الجهد المميز
دمت بكل الخير
مع تحياتي
رد: ابو ذيات 2010ااااااااااااالعيونكم
روعه يابو شهاب
دوم الابداع عزيزي
ننتظر جديدك بشوق
تحياتي
رد: ابو ذيات 2010ااااااااااااالعيونكم
عاشت وسلمت الايادي
اخي ابو اشهاب ابيات
في غاية الروعه والجمال
تقبل مروري بصفحتك
رد: ابو ذيات 2010ااااااااااااالعيونكم
الوكت وياي ياصاحب ولك مال
وكضيت العمر لاناجح ولكمال
حتى الجان يوصلني ولك مل
كطع جيته ولا ينشد عليه
والله خوش ابوذيات
عاشت ايدك عيناي
تحياتي الك ورده
رد: ابو ذيات 2010ااااااااااااالعيونكم
عاشت ايديكم على الابوذيات
رد: ابو ذيات 2010ااااااااااااالعيونكم
شكرا لكم على الردود الروعه الف شكر
يسلمو