ابوذيه وجوابها / ولنفال

كتب استاذي الكبير الشاعر الحاج انمار شدود هذه الابوذيه فأجبته في عدة ابيات

انمار شدود

وحكَ الحمد والقل هو ولنفال

عذابي انعكَد وي روحي ولنفال

سمجه وشص شرم حلكَي ولنفال

زركَني وضاع مشرادي عليّه

الجـــــــواب عباس الفرطوسي


وحگ النام بفراشه وفاء له
بس الله الدرى بضيمي وفاله
اذا شص الشرم حلگك وفاله
انه بتيزاب ذبوا طعم ليه


وحگ الحمد ثم الليل والجن
هدومي العلي من فرگاك وجن
أحشم بالأنس ضليت والجن
بلچن روحك يحضروها اليه


وحگ الألف واللامين والها
على الراحوا تظل العين والها
الدنيه اسهامها بالگلب والها
خنجر بالضلوع ويبز بيه


وحگ الفلق والسجده والاعراف
التقاليد انتهت عدهم والاعراف
صديقي الطحت گدامه ولاعرف
يگلي شبيك لو يسأل عليه


وحگ ناگه العليها الصمد دمدم
الگلب صوته من الآهات دمدم
أزاغل بالدموع بچيت دم دم
لأن شح ماي عيني ونكت بيه


وحگ اللي عرف للطير منطگ
شبيه الجام گلبي عليك من طگ
رحت هادود شو رديت منطگ !!!
براسي وجابواالشرطه عليه


وحگ المن صفاته الذهب والدر
فراگه النظر من عيناي ودر
چنت ناگه وعلسها الضيم وتدر
طحت وتلاگت القامات بيه


وحگ الصمد والقاهروالاعظم
عليك شكثر بگليبي ولع ظام
أنّخر كل جلدي أبشرنك والعظام
عثّه بخشب صار الظيم بيه



وحگ النزلاها ( أنّا لنوحي )
عليك وچالبدر وجهك لنوحاي
سبعه من الكهف فزعوا لنوحاي
وچلبهم نبّحاه ظيم العليه

وحگ الحمد ثم الليل والجن
هدومي العلي من فرگاك وجن
أحشم بالأنس ضليت والجن
بلچن روحك يحضروها اليه


هنيئا لنا هذا المداد الرائع
مبدع ياعباس
ابوذيات جدا رائعة
دمت لنا ودام لنا هذا التميز
مع تحياتي

عاشت اناملك اخوي الكريم
رائع ماخط قلمك هنا من ابوذيات
ربي يوفقك
وجزاك الله الف خير
تحياتي

الاخ عباس جوابك افحم الحاج انمار
عليك نور ما شاء الله تسلم وبارك الله بيك
تقبل مروري وتحياتي

جوابات متعدده وروعه اخويه العزيز عباس

يسلم احساسك وقلمك الراقي يا مبدع 0

اقتباس:

---

المشاركة الأصلية كتبت بواسطة ام فيصل

هنيئا لنا هذا المداد الرائع
مبدع ياعباس
ابوذيات جدا رائعة
دمت لنا ودام لنا هذا التميز
مع تحياتي

---

بالعكس اختي الفاضله انا احسد نفسي مرارا لاني حضيت بودكم ودخلت مفرداتي قلوبكم واستحسنتموها .. فلله الحمد على كل هذا اختي الفاضله .. تحياتي

اقتباس:

---

المشاركة الأصلية كتبت بواسطة احلام في الانتظار

عاشت اناملك اخوي الكريم
رائع ماخط قلمك هنا من ابوذيات
ربي يوفقك
وجزاك الله الف خير
تحياتي

---

اختي العزيزه شرف لي ان تحضى كلماتي باهتمامكم وترحيبكم .. وما وصلت الى ماوصلت اليه الا بتشجيعكم وردودكم الجميله التي اعتبرها شهادة فخر لي .. دمتي بالف خير

اقتباس:

---

المشاركة الأصلية كتبت بواسطة سلام الدراجي

الاخ عباس جوابك افحم الحاج انمار
عليك نور ما شاء الله تسلم وبارك الله بيك
تقبل مروري وتحياتي

---

حبيبي الرائع سلام الدراجي
مرورك الجميل يسعدني كثيرا وكلماتك الاجمل شهادة فخر اعتز بها .. صدقني اخي العزيز كل هذه الابيات لو جمعتها سويه لم تصل الى قوة ورصانة اي حرف من حروف هذا البيت الذي خطته انامل استاذي الرائع الحاج انمار .. تحياتي لك