الف اسم الله على الفقره(جديد اسامه الشاعر)

الفجر ...وي طرة الفجر
اكعد على راس العكد
انتظر واحد يمن
وانتظر واحد يحن
وانتظر دينار واحد من حلال
من ايد مستور وعفيف
وانتظر رحمة الباري
يهدي كل واحد شريف
ينطي خبزه لليتامه
ويكتل بروحه حرامه
ويشيل عار جداوتي...بثلمة ارغيف
مرت العمال غبشه
واني ياخذني الحيه...وتاحذني رعشه
وتصير نظرات الزلم بضلوعي سيف
ومرت اولاد الشوارع
واحد يصفر عليه
وواحد بشهوه يباوع
تدور دنياي واذوبن
وانتجي اعلى الروح
ياروحي التجالع
يمر واحد
ويمر ثاني
ويمر ثالث
ويجي رابع
كل فرد مشغول بقضيته
بس قضيتهم وياي؟؟؟
منين مادور الوجه كلهه تطالع
ليش يادنيه شجنيت
شنهو ذنبي لان فقره؟
العوز ماخذني اعله بابج
وننزع امية اكصصنه
وانتظر ثلمة خبز...وعيني تطالع
اني حلوه ....وشكد جميله وكلي ايه
مرتبه وينحلف بيه
ولاعباتي انكلت سايه
اني من يحجون عني...
بيرغ وراية ولايه
بس شسوي....الفكر ماحذني غصب
وصرت للمايسوه درهم
نكته وحجايه
المهم
رديت العصر
خايبه ومشتعله نار
ردت اسوي روحي خبزه
واطعم اخواني الزغار
الف اسم الله علي
وعلى اخواني
وعلى الفقره
وعلى جاري المارحمني ؟شلون جار
وعلى كل واحد اخذ مني بلسانه
وشفه كلبه من فكرنه واخذ ثار
والف رحمه على الدنيه
لان كلهه ليل
وابد ماصارت نهار


..............................
كان هنا
أسامه الشاعر

منين مادور الوجه كلهه تطالع
ليش يادنيه شجنيت
شنهو ذنبي لان فقره؟
العوز ماخذني اعله بابج
وننزع امية اكصصنه
وانتظر ثلمة خبز...وعيني تطالع
اني حلوه ....وشكد جميله وكلي ايه
مرتبه وينحلف بيه
ولاعباتي انكلت سايه
اني من يحجون عني...
بيرغ وراية ولايه
بس شسوي....الفكر ماحذني غصب
وصرت للمايسوه درهم
نكته وحجايه
المهم




الله عليك اخوي الطيب وشاعرنا المبدع
فصيده مؤلمه بالفعل

الله لا يجيب العوز لاي بني ادم ويكفيهم من خيرات ربي
ويمن عليهم صحه وعافيه ويرزقهم

عشت والله خويه
تحياتي

الله الله يااسامة

ادمعت عيني عزيزي
لوحة وصورة مؤثرة بألوان حزن وهم
تكلّمت - وتألّمت - ونثرت هما ًعلى السطور

شكرا لصدق هذه المشاعر
ودام لنا جود هذا المداد

مع تحياتي لك

ومرت اولاد الشوارع
واحد يصفر عليه
وواحد بشهوه يباوع
تدور دنياي واذوبن
وانتجي اعلى الروح
ياروحي التجالع
........................
الله الله يا اسامة
روعة ورائعة كلماتك
نسأل الله ان يصلح الجميع وينظرون الى اخوانهم الجياع
قصيدة معبرة ..تتحدث عن واقع حال..بوركت اخي
نورنا اخويه طولت الغيبه..

قصيده مِثيره جدا تنزف دمعا
لكن ماكان الفقر عيبا والتعفف من شيم الفقراء
تخونني هنا العبارات ماعساي ان اقول وصف لمعاناة في قمة الروعه
بوركت اخي ولا تحرمنا من هذا الكم الهائل من الروعه



ابقى دوما هنا ايها الشاعر

لوحة من لوحات واقعنا الأليم

تحاكي الخواطر الوجدان



شكرا لريشتكم المميزة

ننتظر جديدكم

اخويه اسامه السلام عليكم هاي وين جنت ضامهه علينه القصيده الرائعه
نعم انها لوحه جميله من فنان مرهف بالاحاسيس تحياتي الك ياشاعر التفعليه ودمت بحفظ الرحمن

تاهت من الحروف وجف حبري امام روعة ماقرأت..
فكل الكلمات لاتكفي ولا تعبر عما يجول في داخلي
لكن اكتفي بكلمة مبدع بكل معنى الكلمة
شكرا لهذا الابداع ولاحرمنا مداد قلمك
تحياتي
مررت من هنا وشدني الابداع
ام علاوي