( خد الماي )اذكرني وخذ من عندي هاي وهاي

( خد الماي )

اذكرني

وخذ من عندي هاي وهاي

ياسباح كلبي المارواه الماي

يسنين العمر يلذبلاهه الظيم

ومكالب كضاهه الليل بس وياي

امد العين كوسر ونتجي اعله الروح

وسنينك محطه وعاكساهه الراي

اطشر مستحاي والعب انه وياه

وسنيني جهنم داورت دنياي

دليني اعله بابك ياكتر مفتوح

يلقافل نصيبك وي نصيب اصباي

يانجمه وسمه مفروشه هاي العين

خليني اذكرك يلنسيت ارباي

يلعابر مهجتي اخياط فوك اخياط

تخاف من الهمس كلك جدم بهداي

صباح العيد وجهك من يمر طاريك

ياشمس العصاري بلون خد الماي

ادور مشتهاي وانت عني ابعيد

تعبني حزنك كلبي صار افياي

تيهني العمر مفتاح اعمه وضاع

يدور عالقفل ويصيح بي شراي

مطبوكه الحواجب مثل طبكة ليف

لاكاع التلمني ولا اشوف اسماي

بولايه غريبه ولابسه الاطوار

ياطور اليكضني ابجفه اصيرن ناي

ما ادري القدر يفتل هوانه اردود

ويفززعواطف نايمه من اسنين

وواجه من ملامح وجهك المتعوب

ايام الصبه ودموع هاي العين

اظل واكف اجدامي تشيلني من الكاع

وحس جف اليمين يصير بي جفين

وحس جف اليسار من الجذر مشلول

لان كلب اليحبك ينفطر نصين

اذكر هوانه المستحي من الناس

من يحضن الكاع عيون خجلانه

وذكر الشارع من يمر طاريك

كله يكوم شفه يبوسني اهنانه

وذكر مواعيد الترف بالليل

وكلوب ابابكم مكسوره بيبانه

مو حتى الكمر خوفني ظل سهران

ودموعه ضوه من اطيح نعسانه

على كصر الطريق السالفه من اتطول

مانهوه السوالف هي تهوانه

بعد كل العمر ومدافع الايام

وهموم البنت بعشوشهه السانه

تخورس مانطق بعيونه من تقراه

من عركة جبينه اتبين الوانه
----------------------------------


منقوول

دليني اعله بابك ياكتر مفتوح

يلقافل نصيبك وي نصيب اصباي


\
\

احلام

نقلك جميل هذا الصباح

الف شكر لك

شكرا غاليتي لمرورك العذب والمميز وفقك الباري
تحياتي الك

وشكر كبير لك ابنتي العزيزه احلام لقصيده اكثر من رائعه وعاشت ايدك على اللاختيار المميز الرائع دمتي بحفظ الرحمن

شكراالك ابوي الطيب سلام الدراجي لمرورك المشرف
الف تحيه لك مني

صح السانج يا مبدعه قصيده جميله
تسلمين نقل مميز بارك الله فيكي
تقبلي مروري

كما عودتِنا اخت احلام
على انتقاء كل ما هو
جميل
ممتع
جديد
مميز
لكِ مني قوافل من الود معطرة بعطر الياسمين
مسبوقه بأرقى انواع العطور
تحملها امنياتي لكم بالتوفيق

تحياتي

شكراالكم لمروركم الرائع والمميز دوم التواصل ياربي

تحياتي لكم جميعااا

تسلملي اخوي الطيب حيدر
ربي يوفقكم