مآ كو نــيـــه اتــبــدل اهـدوم الـحـداد

مآ كو نــيـــه اتــبــدل اهـدوم الـحـداد
ومآكو نيه انـشوف وجهك مبــتـشــر
ومآكو نـيـه تـصالح عروك النخـيــــل
ويـه دجـلة ويــروه ويــــطك التـــمـر
موتــــعدى الغـيـــم افرح يـــــا عراق
ليــش ما تـــفرح دكلي شــــمنــتــظـر
ولو نـدري جروح كلبك معـضـــــلات
وعلكت فوك الصــــدر رســـــم الكبـر
ولو ما ظــلت عـيـــــــــون ولا غـرام
ولا مهآ بين الرصــافة ولا جـســـــــر
ولو أهلك بـالأرض صـارو شــــتــات
والأطفال اوجوهم صــارن صــــــــفر
والحدايــق تخجل امن يـمرهه ضـيف
يـســتحن ويـدنـكن جي مو خضــــــر
بـــس اجاك العـيــــد مآلازم تــصـــوم
واليـــصــــوم العيــد يـــأُثـم بـــالـكفـر
كوم صــليــلك فرض نـحرك ســــــليم
ادفـعنــه دولارات واسـتـثنى الشـمر
واغرف من المآي واسكي اليابســات
وأًمن اجفوفك بــــــعد ما تـــــــنـبـتــر
لأًن قدمنـــا اســـــــــتـقالة من الجهاد
وبــــعد ما نـصـعد على ظهور الشكر
طلع اٍيـــدك بـيـضـــه ما بــيهة سـواد
وما يضــر لو ضـكت بالســـانـك جمر
احملنــه كل الظـيــــم لجلك يــا عراق
وتدري شـيسوي الخشب جوه الظفر
موجك الهآدر وصــــل حد الفتــــــور
والنــــوارس فوك ضــفتـك تـحتـضـر
اصطنع شــــوكي اذآ ألآكي الحـبـيـب
اقوى حـب اٍبلآ وطن ما يــســـــتـمر
ليــش خـليـتـه انـهتـك ســتــر الفرات
ومن ثـــكل حملك بـــعت حتــى الخدر
اتــــعـودت تـــــوكف رغم كل الجراح
وراســك اعلآ الروس خـلصـت العمر
وانــــا بــعد اتـعودت من احجي بـيـك
ويـــه كل كلمة اخط مجدك ســـــــــفر
وأعتـــذر يــا ســيـدي الـفـذ العظـيـــم
من روابــــــيـــك امن الـمـد والـجـزر
وأعتــــذر من الروازيـــــن القديـــمة
مـــن الهزيــــــــــمة مـن الـنــصـــــر
وأعتـذر ما بــيـــه حـيـــــل الجـايــات
وأنـت تـــعرف ســـــيــدي راح العمر


منقوول

سيدتى احلام
والله نثرتى زلزال
ابكى القلب والعين
عجل الله بالفرج
ربى يسعد ايامك
تحياتى واحتراماتى

احلام في الانتضار
ان شاء الله تتبدل اهدوم السواد
وتشفى الجروح
وتفرح الاطفال
ويعم الخير في العراق الجريح
بوجود الشرفاء والناس الخيره
احسنتي الاختيار
مودتي

مره اشوف الوطن بعيوني الحسين
ومره اشوف حسين بعيوني وطن
انت مثل حسين عالي وما تطيح
وانت مثل حسين كل اسمك شجن
ياوطن صبرا عله ايام العذاب
وياوطن صبرا عله ليالي المحن
وياعراق تأسه بجروح الحسين
وهمتك جفين لكن مو كعن
اني اشوف الحاير حدود العراق
وبعيني من زاخو لحد فاوك صحن

ابنتي الغاليه احلام
دائما تنتقين الجميل والمؤثر
واعزنا الله بالعراق
وحما العراق واعزه بنا
تحن ابناءه واحبته
تحياااتي لك بابا
ودمتي بخير

عاشت أيدك
كلمات في قمت الروعه
تؤجج المشاعر بصدق
قولها ودقت معناها
ولك مني وعد سوف
يأتي الرد على هذه
القصيده بأقرب وقت

الله قصيده جميله وذوق رفيع واختيار موفق سلمت غاليتي...

وجودكم هنا وسام تميز لموضوعي وتاج فخر لكلماتي وحبريُغذي قلمي لرسم حروفي

سعيده جدا بردكم
وحياكم الله وتحياتي الكم جميعاااا

شكرا لك اختي احلام على النقل الاكثر من رائع والذي ابكى العيون وادمى القلوب
وشكرا لك الاخ ماجد الشاعر على الابيات الجميله التي اراحتنا قلبلا