ربي منين صبك؟ من شمس من طين؟ يرجى التثبيت

ربي منين صبك ؟من شمس من طين ؟...


ما حبك بعد جننت عقلي وياك.... من كَد الجمال البيك حسدوني

ربي منين صبّك من شمس؟من طين؟... تشبع نور من اتصدلك عيوني

اضن عطر ال من وجنتك صنعوه.. وهسا كلي نرجس من يشموني

يالكلك عسل من الجدم للراس.. صبلي شوية منك هذا ماعوني

متشوف البشر وكَفت سره وصفّين.. كلمن يصرخ من النور دنوني

هنيال امك من الصبح تصبح بيك.. وّتلبسك قميصك لون ماروني

واهل الحي على البيبان مشتولين.. ومن تمشي الرشاقه تكول شوفوني

يعين الله اليطيح بنظرتك مجروح.. ماينفع دوه شما ناده الحكوني

لأن برموش عينك شايل الانجيل ..وبشفافك حسام يكول سلّوني

من تمشي الكرة الارضية كلهه تميل.. وتصيح الكواكب بوية نزلوني

حتى الكمر ينزل ينشغل وياك.. واني شحالي اصيرن بالله فهموني

يعمّي ادخيل طولك لا تخبل الناس.. اخافن من يعوفونك يذبحوني

ولو ذبحوني اوصيهم وصية موت.. بين شفايفك رايد يدفنوني

-منقول-

هنيال امك من الصبح تصبح بيك.. وّتلبسك قميصك لون ماروني

واهل الحي على البيبان مشتولين.. ومن تمشي الرشاقه تكول شوفوني


الله الله الله عليك ياهاشم

وعلى هالإختيار الرائع

الصراحة القصيدة جدا رائعة

وبيت احله من بيت يعني بالعربي ( تحيــّر )

عاشت ايدك على هالنقل عزيزي

وياريت اعرف اسم شاعر القصيدة الرائع


الف شكر لك عزيزي

يشرفني مرورج اختي العزيزه والاجمل ردج الرائع
مع الاسف لا اعرف اسم الشاعر
تقبلي تحياتي ودمتي بالف خير

روعة تسلم وتعيش اخويه العزيز هاشم
قصيدة بقمة الروعة يا رائع..

لك مني كل الحب والتقدير

مشكور

انت الاروع اخي محمد السوداني
يشرفني مرورك وردك الرائع وهذا من ذوقك الرفيع
لك كل الحب والود

شكرا على هذه القصيده الرائعه وشكر اخر على الامانه في النقل
تقبل اعجابي ومروري

شكرا لمروركم وردكم الرائع
الاخ قاسم الجبوري والاخ 529
تقبلو تحياتي ودمتم بالف خير

:66 (46)::66 (46)::66 (46)::66 (46):

شكرا على القصيدة الروعة وتسلم يداك