بيك افكر

احاول ما افكربيك والكاك----ويه الما افكر بيك افكر
وحتى ارتاح من تفكيري وانساك---لكيت الما افكر وافكر
شفت الما احتجت راحت اهناك--بقت بس الافكر وافكر
تالي اشلون بيك اشطلعت وياك--صير انته بمكاني وبيك افكر
صير انته بمكاني وشوفني اشلون--كل ساعه بفراكك بيك افكر
وانته البعد طايح الك وحلاك-----ومن الكمر صاير انته اكمر
عليمن بعد افكر كافي تفكير----اذا انا اختنك وانته متنور
وكافي اسنين عمري الخلصن بجفاك--المن بيك ثاريني اطشر
بعد لا تجيبلي هذا ولا ذاك----الكسر بالروح مو سهله يتجبر
اخذوكت احتلالك عمري الراح--خلي الجايلي من عمري يتحرر
خلص اتحررت بعد هيهات---وبعد وصيه علي ابد لا يمر
رجعلي كلبي البعده شاريك---كلب مجنون كلما كبر يزغر
واذا كلبي اختار يعيش وياك---اعيش بغيره وبغيرك واكدر
طلع حبك تجارة احساب بحساب---وانه الجنت اشوفك حلم اخضر
قرعه وانته حاسمه بورقتين-----يا ورقه الاجرهه لازم اخسر


مع تحيات




هاشم نجم

قصيدة رائعه عاشت ايدك يامبدع
اتمنى لك المزيد من الابداع
تقبل تحياتي وودي

قصيده في غايه الروعه اخي هاشم
تقبل مني خالص الود والتقدير على الابداع
ودمت بحفظ الباري

اخي العزيز هاشم نجم
نحن دائما في الشعر نبتعد عن المجاملات
انت تمتلك القدره على الكتابه
لكن يحتاج الك ضبط الاوزان الشعريه
مع خالص ودي وحترامي

مصطفى العراقي

شكرا على الكلمات الجميلة

عاشت ايدك ياذوق

تقبل مروري

شكرا لك اخ هاشم وننتضر منك كل ماهو جديد ومميز
تحياتي

تحياتي الك يا مبدع يا فنان
كلمات في غاية الروعه
تقبل تحياتي والى الامام سر

تسلم ايدك اخي
كثير حلو الشعر
تحياتي